იაფი დენი ივანიშვილს ბიტკოინების საწარმოსთვის და მოქალაქეებისთვის გაზრდილი ტარიფი

იაფი დენი ივანიშვილს ბიტკოინების საწარმოსთვის და მოქალაქეებისთვის გაზრდილი ტარიფი - რისთვის შენდება სამი ჰესი?

პოლიტიკა - 17:57, 08 Jan, 2018

12747

,,კიდევ რამდენიმე ელექტროსადგურის აშენება დაგვჭირდება, რომ ეს პარაზიტული საწარმოები კვებონ“? - ნაციონალური მოძრაობის წევრი, დეპუტატი რომან გოცირიძე საქართველოში ახალი ჰიდროელექტროსადგურები აშენებას ეხმაურება. დეპუტატი აცხადებს, რომ ივანიშვილს კრიპტივალუტის საწარმოსთვის, რომელსაც დიდი რაოდენობით ელექტროენერგია ესაჭიროება, შეღავათიანი გადასახადი აქვს, იმ ფონზე, როცა ქვეყანაში რიგით მოქალაქეებისთვის ტარიფები ძვირდება.

,,საქართველოში 2018 წელს სამი ჰიდროელექტროსადგური შევა ექსპლუატაციაში. მათი ჯამური სიმძლავრე 15 მეგავატი იქნება. ეს გლდანში მდებარე ივანიშვილის ბიტკოინის გამომმუშავებული საწარმოს მოთხოვნის მხოლოდ მეოთხედს თუ დააკმაყოფილებს. ამ ”ქარხნის” წვლილი საქართველოს ეკონომიკაში ნულის ტოლია.

ქვეყანაში გაჩნდა კრიპტოვალუტების ”მომპოვებელი” ათასობით სევერვერი, რომელთა ნაწილი განლაგებლია ბინებში, ნაწილი საამქროებში და სხვა სახის ფართებში. ისინი ნთქავენ დიდძალ იაფ ელექტროენერგიას და ქმნიან მის დეფიციტს ეკონომიკის ჯანსაღი სეგმენტისათვის, ზრდიან დენის იმპორტს და იწვევენ უცხოური ვალუტის გადინებას.

საქართველო მესამე ადგილზეა მსოფლიოში ასეთი სერვერების სიმძლავრით( ბიტკოინის გამომუშავებით), რასაც განაპირობებს იაფი ელექტროენერგია( ივანიშვილისთვის შეღავათიან ფასად), იაფი უძრავი ქონება( ივანიშვილისთვის მიწა მუქთად) და ამ ბიზნესის იატაქვეშ საქმიანობა( ივანიშვილისთვის- ლეგალური საგადადახადო შეღავათები).

ვინაიდან ივანიშვილის კომპანიისთვის შეღავათები სამუდამოა( ”ინვესტორის” დაცვა), ხოლო ქვეყანაში ელექტროენერგიის ტარიფები დამახინჯებული, ამ პრობლემის დაძლევა ძალზე ძნელია. პირველი ნაბიჯი მისი ლეგალიზაცია უნდა იყოს.

რაც შეეხება ივანიშვილის ქარხნებს გორში და გლდანში, მათ გაფართოებას ვერაფერი შეუშლის ხელს-ე. წ. თავისუფალი ეკონომიკური ზონის სტატუსი აქვთ. ამიტომ კიდევ რამდენიმე ელექტროსადგურის აშენება დაგვჭირდება, რომ ეს პარაზიტული საწარმოები კვებონ“ - წერს რომან გოცირიძე.