იუსტიციის უმაღლესი საბჭოს მოსამართლე წევრი დიმიტრი გვრიტიშვილი აცხადებს, რომ ვახტანგ მჭედლიშვილის განცხადებები ხშირად ცილისმწამებლური იყო. გვრიტიშვილი პრეზიდენტის კვოტით დანიშნული საბჭოს წევრის, მჭედლიშვილის საქმიანობას ნეგატიურად აფასებს:

"ბატონი ვახტანგ მჭედლიშვილი, ხშირ შემთხვევაში ფიზიკურად არ მონაწილეობდა საბჭოს საქმიანობაში. ხშირ შემთხვევაში მისი განცხადებები იყო გარკვეულწილად დაუსაბუთებელი და ცილისწამების ელემენტებს შეიცავდა მოსამართლე წევრების მიმართ. მისი ინიციატივები ხშირად მიზნად ისახავდა გარკვეული საკითხების დროში გაჭიანურებას. ზოგადად, ბატონი ვახტანგის საქმიანობას საბჭოში დადებითად ვერ შევაფასებ.

ხშირ შემთხვევაში მისი განცხადებები იყო ცილისმწამებლური და დაუსაბუთებელი. შესაძლებელია იგი გარკვეული ძალების დაკვეთასაც ასრულებდა. აშკარად, რიგ შემთხვევებში ვერ ვხედავდით მოტივაციას და ჯანსაღ აზრს მის ინიციატივებსა და ქმედებებში",- განაცხადა გვრიტიშვილმა.