ბესელია მარგველაშვილს სააკაშვილის განაჩენთან დაკავშირებით გაკეთებული განცხადების გამო აკრიტიკებს

პოლიტიკა - 17:29, 06 Jan, 2018

3176

პარლამენტის იურიდიული კომიტეტის თავმჯდომარე გიორგი მარგველაშვილს სააკაშვილის განაჩენთან დაკავშირებით გაკეთებული განცხადების გამო აკრიტიკებს და სამართლებრივ შინაარს უწუნებს. ეკა ბესელია საქართველოს პრეზიდენტს ახსენებ, რომ მიხეილ სააკაშვილს ბრალი არა პატიმართა შეწყალების, არამედ ამ კონსტიტუციური უფლების ბოროტად გამოყენების გამო წარედგინა:

„საუბარია იმაზე, რომ უფლება და უფლებამოსილება იყო თუ არა ბოროტად გამოყენებული. მოსამართლემ ჩათვალა, რომ ეს უფლებამოსილება იყო ბოროტად გამოყენებული. მე მინდა ძალიან კონკრეტული კითხვა დავსვა პრეზიდენტის განცხადების შემდეგ, როდესაც მან თქვა, რომ ეს იყო კონსტიტუციური უფლების გამოყენება. უფლების გამოყენების დროს, როდესაც დადგინდება, რომ ადგილი ქონდა რაიმე დანაშაულებრივ მოტივს, შეიძლება დავასახელოთ ან მართლმსაჯულებისთვის ხელის შეშლა ან დანაშაულის დაფარვა, ან სხვა რაიმე უკანონო მიზანი, ეს ჩაითვლება თუ არა უკანონო ქმედებად? ძალიან მარტივ კითხვას ვსვამ და ამ კითხვაზე პასუხი, ნებისმიერ იურისტს რომელსაც აქვს მინიმალური კვალიფიკაცია, შეუძლია პასუხი გასცეს.“- განაცხადა ეკა ბესელიამ.