,,უპრეცედენტო საერთაშორისო სამართლის ისტორიაში" - არასამთავრობოები შეწყალების საქმეზე სააკაშვილის განაჩენს აკრიტიკებენ

პოლიტიკა - 15:11, 06 Jan, 2018

1444

შეწყალების საქმეზე მიხეილ სააკაშვილისთვის სამი წლით თავისუფლების აღკვეთის შეფარდებას აკრიტიკებს ახალგაზრდა იურისტთა ასოციაციის თავმჯდომარე სულხან სალაძე და აცხადებს, რომ მოსამართლე გიორგი არევაძის გადაწყვეტილება უპრეცენდენტოა საქართველოს და საერთაშორისო სამართლის ისტორიაში:

,,პრეზიდენტების მიერ სხვადასხვა ქვეყანაში შეწყალების უფლების გამოყენება ხშირად გამხდარა მათ შორის კრიტიკის საგანი, თუმცა საუბარი სისხლის სამართლებრივ პასუხისმგებლობაზე, რომელზეც ჩვენს შემთხვევაში საუბარი, ეს არის იშვიათი მოვლენა. ძალიან რთულია პრაქტიკაში მსგავსი პრეცედენტების ნახვა, როდესაც პრეზიდენტს ედავებიან უფლებამოსილების ბოროტად გამოყენების გამო შეწყალებასთან დაკავშირებით. შესაძლებელია პრეზიდენტის მხრიდან გარკვეულ მოქმედებებს ჰქონოდა ადგილი, მაგრამ იქვე ჩნდება კითხვა, შეიძლება თუ არა ეს გახდეს სისხლისსამართლებრივი პასუხისმგებლობის საკითხი. აქ პასუხი არის მარტივი, ამ ტიპის გადაწყვეტილებებისთვის არსებობს პოლიტიკური პასუხისმგებლობა და ეს გამოიხატება არჩევნების გზით, ამომრჩევლის მიერ ნდობის ან უნდობლობის გამოცხადებით.“- განაცხადა სულხან სალაძემ.