„დღეს დიქტატურა საბოლოოდ დამყარდა... ძრწოდეთ მონებო, თქვენი გასამართლების დღეც მალე დადგება!“

სოც.მედია - 19:34, 05 Jan, 2018

4398

პუბლიცისტი გიორგი ფანჯავიძე საქართველოს მესამე პრეზიდენტის, მიხეილ სააკაშვილისთვის განაჩენის გამოტანას ეხმაურება და აღნიშნავს, რომ „ქართველებს ადათ-წესად გვერგო პატრიოტი საჭეთმპყრობელის გასამართლება, განდევნა და მოკვდინება, ხოლო მტრად შემოსეული ნაქართველარების აღზევება და ტაშის დაკვრა.“
მისივე თქმით, საქართველოს ისტორიის კიდევ ერთი სამარცხვინო ფურცელი დაიწერა.
„ის, ვინც გამოიყვანა ქვეყანა კრიზისიდან და ცუდად თუ კარგად შექმნა ეპოქა, გაასამართლეს ნაძირლებმა, მექრთამეებმა და საქართველოს მოღალატეებმა - სხვა დანარჩენები, მათი გოშიები, პორტირებულები და, უბრალოდ, მიტმასნილები მშვიდი აღელვებით შეხვდნენ ყველაფერ ამას და ახლა დიდი სურვილი აქვთ, გზა განაგრძონ ისე, თითქოს ის ერთადერთი იყო დამნაშავე ყველაფერში. თითქოს ის იყო ერთადერთი პრობლემა მთელი ქვეყნისა, ხოლო ყველა სხვა დანარჩენი მსხვერპლია მისი რეჟიმის.
სამწუხაროდ, ახლა ის დროა,როდესაც ძალიან რთულია, გაარკვიო მტერ-მოყვარე, რადგან მოღალატეების ეპოქა დადგა...
დღეს დიქტატურა საბოლოოდ დამყარდა და ვაი მას, ვინც მის წინააღმდეგ აღიმაღლებს ხმას!
ღალატის, შიშის და პირადი კეთილდღეობისათვის დუმილის შედეგს თითოეული იწვნევს საკუთარ ტყავზე, იდიოტების სიხარულიც დიდხანს ვერ გასტანს - ახლა იწყება მათი საბოლოო დამონების პროცესი.
ისტორიამ გამეორება იცის და ვაი, რომ ის სრული სიდიადით გამეორდება საქართველოში..ყველაფერი ახლა იწყება - ბრძოლისათვის გაჩენილებს ხომ სიმშვიდე არ გვიწერია! ასე რომ, ძრწოდეთ სისხლიანო კოლაბორაციონისტებო და მათთან მიტმასნილო დამქაშებო, მოღალატეებო და მონებო თქვენი გასამართლების დღეც მალე დადგება, როდესაც მსაჯული იქნება ქართველი ხალხი,ხოლო ბრალი წარგიდგებათ საქართველოს ღალატში და მისი მოსახლეობის უსისხლო გენოციდის მოწყობაში!“ - წერს ფანჯავიძე „ფეისბუკში“.