"გაქცევას არ ვაპირებ! არც უკრაინაში და არც სხვა ქვეყანაში პოლიტიკური თავშესაფარი არასოდეს მომითხოვია"

"გაქცევას არ ვაპირებ! არც უკრაინაში და არც სხვა ქვეყანაში პოლიტიკური თავშესაფარი არასოდეს მომითხოვია" - სააკაშვილი

პოლიტიკა - 16:50, 05 Jan, 2018

2006

საქართველოს მესამე პრეზიდენტმა მიხეილ სააკაშვილმა სანდრო გირგვლიანის საქმეზე მსჯავრდებულების შეწყალების სქმეზე თბილისის საქალაქო სასამართლოს მიერ მისთვის გამოტანილ განაჩენთან დაკავშირებით კიევში პრესკონფერენცია გამართა, სადაც უკრაინაში "პოლიტიკური თავშესაფრის მოთხოვნის" შესახებაც ისაუბრა.
მიხეილ სააკაშვილის თქმით, არც უკრაინაში და არც სხვა ქვეყანაში პოლიტიკური თავშესაფარი არასოდეს მოუთხოვია.

„უკრაინაში პოლიტიკური თავშესაფარი არასოდეს მომითხოვია. მე განსაკუთრებული დაცვის სტატუსს ვითხოვდი - ეს სტატუსია, რომელიც არ დაუშვებს ჩემს მიმართ რაიმე ქმედებებს მანამ, სანამ უკრაინის მოქალქეობას დავიბრუნებ.

არ მომითხოვია და არც მოვითხოვ პოლიტიკურ თავშესაფარს არც ერთ ქვეყანაში. გაქცევას არ ვაპირებ. რა თქმა უნდა, ყველაფერს გავაკეთებ, რომ მათ ჩემთან მიმართებით თავიანთი გეგმები არ შეასრულონ, მაგრამ ეს არ იქნება თავშესაფრის მოთხოვნა. მსოფლიოს ბევრი ქვეყანა მზადაა ჩემს მისაღებად.

მე სასურველი სტუმარი ვარ პოლონეთისთვის, ლიტვისთვის, ბალტიისპირეთისა და ევროპის სხვა ქვეყნისთვის. მაგრამ მე იქ სტუმარი ვარ, უკრაინაში კი თავს ისე ვგრძნობ, როგორც სახლში. ამირომაც გადავწყვიტე გამერისკა და უკრაინაში დაბრუნებაზე უარი არ ვთქვი“ - განაცხადა სააკაშვილმა.

მიხეილ სააკაშვილის თქმით, წლების განმავლობაში თავისუფლად შეეძლო ნიდერლანდებში წასვლა, ამავდროულად აქვს აშშ-ის ვიზა და სამუშაო შეთავაზებაც, თუმცა ამას არ აპირებს.“ - განაცხადა სააკაშვილმა.

მისი თქმით, საქართველო და უკრაინა შეთანხმებულად მოქმედებენ, უფრო მეტიც სასამრთლო პროცესები ერთ დღეს 3 იანვარს დანიშნეს - 2 კიევში, ერთი კი თბილისში.

„საქართველოში გამოიტანეს ე.წ. განაჩენი. ეს არის ერთადერთი პრეცედენტი მსოფლიოში , როდესაც შეწყალების შეუზღუდავი უფლების გამოყენებისთვის პრეზიდენტის ასამართლებენ“- განაცხადა სააკაშვილმა.

მიხეილ სააკაშვილმა კვლავ აღნიშნა, რომ წლების განმავლობაში ვლადიმირ პუტინი როგორც ქართული, ასევე უკრაინელი ხელისუფლებისგან ჩემს წინააღმდეგ ამ რეპრესიული ზომების მიღებას ითხოვდა. სააკაშვილმა განაცხადა, რომ ოლიგარქების წინააღმდეგ და ხალხის ინტერესების დასაცავად ბრძოლას არ შეწყვეტს.