,,გადაწყვეტილება კიევიდან არის ნაკარნახევი" - სააკაშვილი საქალაქო სასამართლოს განაჩენზე

პოლიტიკა - 16:25, 05 Jan, 2018

1342

საქართველოს მესამე პრეზიდენტმა მიხეილ სააკაშვილმა სანდრო გირგვლიანის საქმეზე მსჯავრდებულების შეწყალების სქმეზე თბილისის საქალაქო სასამართლოს მიერ მისთვის გამოტანილ განაჩენთან დაკავშირებით კიევში პრესკონფერენცია გამართა. როგორც 1tv იტყობინება, სააკაშვილის თქმით, საქართველოს ხელისუფლებას მისი ძალიან ეშინია.

"ეჭვი არ მეპარება, რომ საქართველოს სასამართლოს გადაწყვეტილება კიევიდან არის ნაკარნახევი.

მაგრამ ჩვენ გვახსოვს, რომ ჯერ პოროშენკო, შემდეგ კი გროისმანი იყვნენ საქართველოში ჩასულები. მათ ჩემი დაკავება 2017 წლის ივლისში დაგეგმეს. ამაზე კვირიკაშვილთან ჰქონდა პოროშენკოს საუბარი. მაფიოზები, იგივე ოლიგარქები შეთანხმდნენ, ტაში შემოკრეს და გადაწყვიტეს, ასე მებრძოლონ. საქართველოში შეიარაღებული ძალები და სამართალდამცავი ორგანოები ჩემი მხარდამჭერები არიან, ეს საიდუმლო არ არის, ამიტომაც ისინი ხელს არ მახლებენ, საქართველოს მოსახლეობა კი მთავრობას დაამხობს, როგორც კი ხელს მახლებენ. აბა რა გგონიათ, რომ კამერაში ვიჯდები და ვიშიმშილებ?“ – განაცხადა სააკაშვილმა.

შეგახსენებთ, სანდრო გირგვლიანის საქმეზე მსჯავრდებულების შეწყალებასთან დაკავშირებით, თბილისის საქალაქო სასამართლომ სააკაშვილს ოთხი წლით თავისუფლების აღკვეთა მიუსაჯა, თუმცა ამნისტიის შედეგად, სასჯელის რაოდენობა სამ წლამდე შემცირდა.