„უკრაინასა და საქართველოში ოლიგარქი ხელისუფლება სინქრონულად მოქმედებს ჩემ წინააღმდეგ, როგორც ხალხის ძარცვასთან ბრძოლის ლიდერთან!“

„უკრაინასა და საქართველოში ოლიგარქი ხელისუფლება სინქრონულად მოქმედებს ჩემ წინააღმდეგ, როგორც ხალხის ძარცვასთან ბრძოლის ლიდერთან!“ - სააკაშვილი სასამართლოს განაჩენზე

პოლიტიკა - 13:48, 05 Jan, 2018

2104

საქართველოს მესამე პრეზიდენტი მიხეილ სააკაშვილი სანდრო გირგვლიანის გირგვლიანის საქმეზე მსჯავრდებულების შეწყალების საქმეზე თბილისის საქალაქო სასამართლოს მიერ მისთვის გამოტანილ განაჩენს სოციალურ ქსელში გამოეხმაურა.

„გაზპრომის“ ყველაზე მსხვილი კერძო აქციონერის, ივანიშვილის სრულ კონტროლქვეშ მყოფი ქართული სასამართლოს „განაჩენი“ ჩემ წინააღმდეგ სრულიად უკანონოა და ეწინააღმდეგება ყველა საერთაშორისო, ეროვნულ ნორმასა და საღ აზრს.

პრეზიდენტის გასამართლება შეწყალების უფლების გამოყენებისთვის (რომელიც მე გამოვიყენე 133 ყოფილი სამხედრო მოსამსახურის მიმართ), რომელიც არანაირად არ არის შეზღუდული, მიუთითებს ამ პროცესის პოლიტიკურ ხასიათზე. ეს ასევე, ცხადყოფს, რომ 5 წლის განმავლობაში ქართულმა ხელისუფლებამ ვერაფერი მნიშვნელოვანი ვერ აღმოაჩინა: არც კორუფციის ფაქტები, არც - სხვა სამართალდარღვევები, მაგრამ ეს „განაჩენი“, ისევე როგორც კიევში მიმდინარე პარალელური პროცესი, იმაზე მეტყველებს, რომ უკრაინსა და საქართველოში ოლიგარქი ხელისუფლება სინქრონულად და სრულად კოორდინირებულად მოქმედებს ჩემ წინააღმდეგ, როგორც კორუფციასთან, ოლიგარქიასა და ხალხის ძარცვასთან ბრძოლის ლიდერთან.

არავისთვისაა საიდუმლო ის ფაქტი, რომ ამ წლების განმავლობაში ვლადიმირ პუტინი როგორც ქართული, ასევე უკრაინელი ხელისუფლებისგან ჩემ წინააღმდეგ ამ რეპრესიული ზომების მიღებას ითხოვდა. ეს კიდევ ერთხელ გაიმეორა მის უკანასკნელ პრესკონფერენციაზე. ჩემთვის უკრაინის მოქალაქეობის ჩამორთმევამდე რამდენიმე დღით ადრე, საქართველოში პოროშენკოსა და ივანიშვილის შეხვედრის თემას ჩემი ნეიტრალიზაციის საკითხი წარმოადგენდა. ასევე, ჩემი ინფორმაციით, 2017 წლის 29 დეკმებერს, პოროშენკოსა და პუტინს შორის სატელეფონო საუბრის თემაც მე ვიაყვი.

რაც უნდა გააკეთონ პუტინმა, პოროშენკომ და ივანიშვილმა ჩემს წინააღმდეგ, მიუხედავად ყველა ოლიგარქიული შეთქმულებისა, ჩემი ბრძოლა ოლიგრქიაზე, კორუფციაზე, სიღარიბესა და ხალხის დამცირებაზე გაგრძელდება ჩვენი ხალხების სრულ გამარჯვებამდე!“ - წერს სააკაშვილი „ფეისბუქის“ საკუთარ გვერდზე.