„რუსთავი 2“-ის გენერალური დირექტორი ნიკა გვარამია საქართველოს მესამე პრეზიდენტის წინააღმდეგ წაყენებულ ბრალდებას „სამართლებრივ აბსურდს“ უწოდებს.

„მიხეილ სააკაშვილის წინააღმდეგ ე.წ. შეწყალების საქმე სრული სამართლებრივი აბსურდია.

შეუძლებელი და დაუშვებელია შინაარსობრივადაც და პრიცედურულადაც აბსოლუტური და შეუზღუდავი უფლებამოსილების სასამართლო ან სხვაგვარი რევიზია, არათუ განაჩენის დაყენება.

ფორმალურად, პრეზიდენტს ერთ მშვენიერ დღეს შეუძლია ყველა მსჯავრდებული შეიწყალოს და ამისთვის პასუხს მხოლოდ პოკიტიკურად, გნებავთ მორალურად ან ბუნებაში არსებული ნებისმიერი სხვა ფორმით აგებს, მაგრამ არა სამართლებრივად. ამას ამბობს კონსტიტუცია, რას იტყვის მოსამართლე არევაძე, არ ვიცი.

p.s. მოწმეებად ბურჯანაძე-ოქრუაშვილზე, მხოლოდ ირიბი მტკიცებულებების არსებობაზე და ა.შ. არც ვაპირებ მსჯელობას. საკითხი სამართლებრივად სრულიად ცალსახაა, მილიონი მიუკერძოებელი მოწმე და პირდაპირი მტკიცებულებაც რომ არსებობდეს"- აცხადებს გვარამია.