პატიმართა გაცვლასთან დაკავშირებით საზოგადოებაში წამოწყებულ პოლემიკას ოკუპირებული აფხაზეთის დე ფაქტო პრეზიდენტის ადმინისტრაცია განცხადებით ეხმაურება. ინფორმაციას ამის შესახებ apsnypress.info ავრცელებს.

„2017 წლის 25 დეკემბერს აფხაზეთ-საქართველოს საზღვარზე აფხაზურმა მხარის მიერ საქართველოსთვის გიორგი ლუკავას გადაცემა წარმოადგენს პატიმართა გაცვლის პროცესის გაგრძელებას, რომელიც დაიწყო სამხრეთ ოსეთის რესპუბლიკის ხელისუფლების თხოვნით.

2008 წლის მოვლენების შედეგად, საქართველოს ჯარების ინტერვენციის დროს აყვანილი იყვნენ სამხრეთ ოსეთის მოქალაქეები, რომელთაც საქართველოში ხანგრძლივი პატიმრობა, მათ შორის სამუდამო პატიმრობა მიუსაჯეს.

ყურადღებას ვამახვილებთ იმ ფაქტზემ რომ ლუკავა გასაცვლელთა სიაში ადრეც იყო, თუმცა მისი გაცვლა იმ დროს დროებით შეჩერდა, მოგვიანებით კიდევ ერთი პატიმარი გიორგი გიუნაშვილი, რომელიც სამხრეთ ოსეთის რესპუბლიკამ გადმოგვცა, გაცვლილი იყო როლანდ ჟიბაზე, რომელიც საქართველოს აფარებდა თავს და ბ. კვიცინიას მკვლელობისთვის იყო ეჭვმიტანილი.

საჭიროდ მივიჩნევთ, განვუმარტოთ საზოგადოებას , რომ მრავალი წლის განმავლობაში საქართველოში სხვადასხვა მძიმე დანაშაულისთვის თავს აფარებენ აფხაზეთის მოქალაქეები. მათ შორის რუსი დიპლომატის დიმიტრი ვიშერნევის მკვლელი. აფხაზური მხარე ყველაფერს აკეთებს ამ ადამიანების გადმოცემისთვის. ეს საკითხები IPRM და ჟენევის დისკუსიების ფარგლებში მიმდინარე ყველა დონეზე და შეხვედრაზეა დასმული.

შესაძლოა, ვინმეს არ აწყობდეს ის ფაქტი, რომ აფხაზეთის მოქალაქეები, რომელთაც ჩადენილი აქვთ დანაშაული და თავს საქართველოში აფარებენ , აფხაზეთს უნდა გადაეცეს და ჩვენი კანონმდებლობის შესაბამისად სასჯელი მოიხადონ.

მეტიც, ომის დასრულების შემდეგ, ქართულ მხარეს ის მოქალაქეები გადაეცა, რომლებმაც აფხაზეთის ტერიტორიაზე სხვადასხვა სიმძიმის დანაშაული ჩაიდინეს, ისეთები როგორიცაა გოგოხია, უგრეხელიძე, კეკელია, გერხელია, მამასახლისი და სხვა. იმ პერიოდში ამას არ გამოუწვევია რაიმე აღშფოთება ან გაუგებრობა მათი მხრიდან, ვინც დღეს სიტუაციის გამწვავებას ცდილობს.“- აღნიშნულია განცხადებაში, დე ფაქტო პრეზიდენტის ადმინისტრაციის ტქმით, პატიმართა გაცვლის მსოფლიო პრაქტიკა სახელმწიფოთაშორისი ურთიერთობის ერთ-ერთი სახეა და პრობლემების გადაწყვეტის ინსტრუმენტს წარმოადგენს.

„ზემოაღნიშნულიდან გამომდინარე, მოვუწოდებთ ქვეყნის მოქალაქეებს გამოიჩინონ სიმშვიდე და არ აყვნენ პროვოკაციიულ მოწოდებებს“- აცხადებენ ხაჯიმბას ადმინისტრაციაში.