პირველი 5 ნაბიჯი, რომელსაც მიხეილ სააკაშვილი უკრაინის პრემიერ-მინისტრის პოსტზე გადადგამს

პოლიტიკა - 12:14, 03 Jan, 2018

3209

უკრაინაში აუცილებელია, მთლიანად შეიცვლოს სახელმწიფო მართვის სისტემა, კერძოდ, უნდა გუქმდეს რეგიონული და რაიონული ადმინისტრაციები და მთელი რიგი საგენტოები. მინისტრთა კაბინეტი უნდა შემცირდეს 70%-ით, - ამის შესახებ მიხეილ სააკაშვილმა საკუთარ სამომავლო გეგმებზე საუბრისას ტელეკომპანია ZIK-ის ეთერში განაცხადა.

სააკაშვილის თქმითვე, თუ ის მინისტრთა კაბინეტს ხელმძღვანელი გახდება, პირველ რიგში, ოლიგარქებს მედიასაშუალებების ფლობას აუკრძალავს, ასევე, გარკვეული სფეროების მონოპოლიზაციას, კერძოდ, ენერგეტიკის, რაც ავტომატურად შეამცირებს ტარიფებს.

„მეორე, რაც საჭიროა გაკეთდეს ეს არის სახელმქიდო აპარატის შემცირება ორი მესამედით, დარჩენილი ერთი მესამედი კი კონკურსით უნდა შეირჩეს“- განაცხადა სააკაშვილმა. ამასთან, მიხეილ სააკაშვილი თვლის, რომ კანონები, რომლებიც ბიხნესის განვითარებას ხელს უშლიან 90%-ით უნდა შემცირდეს .

„მეოთხე - ეს არის საგადასახადო სა საბაჟო რეფორმა. მე ამის კეთება ოდესაში დავიწყე, მაგრამ არ მომცეს შესაძლებლობა“- აღნიშნა სააკაშვილმა. მეხუთე ნაბიჯი კი მისი აზრით ჯანდაცვისა და განათლების სისტემაში რეფორმები უნდა იყოს.

„არა ყალბი რეფორმა, რომელიც ამ მთავრობამ დაიწყო და არაფრის მომტანია, იმიტომ რომ ფულის მოპარვის ახალი ბუდე შექმნეს, არამედ რეალური რეფორმა - მე საქართველოში ეს გავაკეთე. ჩვენ ერთ წელში 150 ახალი საავადმყოფო ავაშენეთ, შემდეგ კი კიდევ 50. საქართველოს ყოველი მოქალაქისთვის უფასოდ ხელმისაწვდომია ისეთი ჯანდაცვა, როგორიც ევროპის წამყვან ქვეყნებშია. იქ ადამიანი თავისი ჯიბიდან არაფერს იხდის, ამის გაკეთება უკრაინაში უკეთ შეიძლება“- განაცხადა საააკშვილმა.