"საქართველო ჩემი სამშობლოა, ქართველ ხალხს თმის ღერი არ ჩამოუვარდება ჩვენგან, ეს გამორიცხულია!"- პანკისის სპეცოპერაციისას დაკავებულის მიმართვა

პოლიტიკა - 11:32, 30 Dec, 2017

17608

პანკისის სპეცოპერაციისას დაკავებულ რუსლან ალდამოვი ციხიდან გამოგზავნილ წერილში წერს, რომ საქართველო მისი სამშობლოა და მსგან ქართველებს საფრთხე არასდროს დაემუქრება.

"მე დღეს თავს უფლებას ვერ მივცემ გავასაჩივრო სასამართლოს გადაწყვეტილება ჩვენს მიმართ აღკვეთი ღონიძიების სახით პატიმრობის შეფარდების თაობაზე და მოვითხოვო ჩემი თავისუფლება მაშინ, როცა თემირლან მაჩალიკაშვილი სიკვდილს ებრძვის.. ახლა ყველა თქვენთაგანმა იბრძოლეთ მის გადასარჩენად, თქვენი დრო და ენერგია მის საქმეს დაუთმეთ. ჩვენ კი ციხიდან ვილოცებთ, ალაჰს შევთხოვთ მის გადარჩენას. სადღესასწაულო დღეებია და არ მინდა ადამიანების რესურსები ჩემი კეთილდღეობისთვის ფუჭად ვხარჯო. მესმის და ვაანალიზებ რაც ხდება ხეობაშიც და ქვეყანაშიც. საქართველო ჩემი სამშობლოა და მე ის თქვენსავით მიყვარს, ქართველ ხალხს თმის ღერი არ ჩამოუვარდება ჩვენგან არასდროს, ეს გამორიცხულია! " - განაცხადა ბრალდებულმა რუსლან ალდამოვმა.

ბრალდებულის წერილს ადვოკატი, მარიამ კუბლაშვილი აქვეყნებს.
,,სახელმწიფო უსაფრთხოების სამსახურის კონტრტერორისტული დეპარტამენტის მიერ, თბილისსა და ახმეტის რაიონის სოფლებში, დუისსა და ომალოში დაკავებულ იქნა საქართველოს 5 მოქალაქე: ზურაბ გორნაკაშვილი, რუსლან ალდამოვი, რამაზ მარგოშვილი, ბადურ ჩოფანაშვილი და თემირლან მაჩალიკაშვილი.
სუს-ის ცნობით, დაკავებული პირები დაკავშირებულები არიან 21-22 ნოემბერს ბერი გაბრიელ სალოსის ქუჩაზე ჩატარებული სპეცოპერაციის შედეგად განეიტრალებული დაჯგუფების წევრებთან და წარმოადგენდნენ მათ ხელშემწყობ პირებს.
19 წლის თემირლან მაჩალიკაშვილი სპეცრაზმის მიერ თავის არეში იქნა დაჭრილი. ახალგაზრდა სიკვდილს ებრძვის.