საქალაქო სასამართლოში ზვიად რატიანის პროცესს სამოქალაქო საზოგადოების წარმომადგენლები და პოლიტიკოსები ესწრებოდნენ. „რესპუბლიკური პარტიის“ წევრის ლევან ბერძენიშვილის შეფასებით, როგორც პოლიციელების, ასევე მოსამართლის დამოკიდებულება ზვიად რატიანისადმი ფარისევლური იყო. მიაი თქმით ზვიად რატიანისთვის დაკისრებული ჯარიმა აუცილებლად უნდა გასაჩივრდეს.

„ერთი თეთრიც არ შეიძლება დაეკისროს მოქალაქეს, რომელსაც სახელმწიფო ასე გაუსწორდება. ასე რომ, ნუ გვამადლის მოსამართლე, ეს 2000 ლარიანი ჯარიმა იქნება გასაჩივრებული და აბსოლუტურად დარწმუნებული ვარ რომ ზვიად რატიანს მისი გადახდა არ მოუწევს , თუ მოუწევს მაშინ იმ თანხებიდან გადაიხდის, რომელსაც სახელმწიფო კომპენსაციის სახით გადაუხდის ტვინის შერყავა მიყენებულ კაცს. ნაცემ კაცს ეუბნებიან: უკაცრავად სათვალე არ გაგიტყდეთ, ცემს, ტვინის შერყევას აჰკიდებს და მერე ვითომ სათვალეზე ღელავს, ამ ფარისევლობას მოსამართლემ თვალი დაუხუჭა.“- განაცხადა ლევან ბერძენიშვილმა.

საპოლიციო კონტროლის დროს ზვიად რატიანი სამართალდამცავებმა დაუმორჩილებლობის ბრალდებით დააკავეს, ხოლო თვითონ პოეტი პოლიციელებს ცემაში ადანაშაულებს.