„მერაბიშვილი, ახალაია და სხვა პოლიტპატიმრები ციხეში იმის გამო სხედან, რომ ასე სურს ივანიშვილს“

„მერაბიშვილი, ახალაია და სხვა პოლიტპატიმრები ციხეში იმის გამო სხედან, რომ ასე სურს ივანიშვილს“ - ხატია დეკანოიძე

პოლიტიკა - 12:45, 28 Dec, 2017

2233

„ნაციონალური მოძრაობის“ ერთ-ერთი ლიდერი ხატია დეკანოიძე საქართველოს ყოფილი პრემიერის, ვანო მერაბიშვილის მიმართ ვადაზე ადრე გათავისუფლებასთან დაკავშირებით უარის თქმას აფასებს. მისი თქმით, მერაბიშვილი, ახალაია და სხვა პოლიტპატიმრები ციხეში იმის გამო სხედან, რომ ასე სურს ივანიშვილს.

„დემოკრატიული ფუნდამენტის რღვევას წარმოაჩენს ორი ძირითადი ნიშანი - ეს არის ქვეყანაში პოლიტპატიმრების ყოლა, არაფორმალური მმართველობა და არაფორმალური მმართველობისა და მმართველის გამო ადამიანის ციხეში ყოფნა. ყველა დარწმუნებული ვართ, მერაბიშვილი, ახალაია და სხვა პოლიტპატიმრები ციხეში იმის გამო სხედან, რომ ასე სურს ივანიშვილს და რადგან მათ ჩვენება არ მისცეს საქართველოს მესამე პრეზიდენტზე. ჩვენ, ყველას გვახსოვს სტრასბურგის გადაწყვეტილება, როდესაც სტრასბურგმა, ყველაზე მაღალმა ინსტანციამ თქვა და მოუწოდა საქართველოს ხელისუფლებას გათავისუფლებულიყო, თუმცა ასე არ მოხდა. ეს არის დასტური, რომ მერაბიშვილის პატიმრობა არის ერთი ადამიანის გადაწყვეტილება და ერთი ადამიანის ნება”, - განაცხადა დეკანოიძემ.