საქართველოს პრემიერ-მინისტრის სპეციალურ წარმომადგენელს რუსეთთან ურთიერთობების საკითხებში ზურაბ აბაშიძეს მიაჩნია, რომ საქართველო-რუსეთს შორის პოლიტიკური ურთიერთობა ისევ ჩიხშია. ამის შესახებ მან Известия-სთან ინტერვიუში განაცხადა.

„ეკონომიკურ ჭრილში ჩვენ გადავდგით მნიშვნელოვანი ნაბიჯები, ვაჭრობის აღდგენისა და სატრანსპორტო კომუნიკაციის გააქტიურებისთვის. ამასთან, იზრდება საქართველოში რუსი ტურისტების რაოდენობაც - 2017 წელს მილიონზე მეტი რუსი ეწვია ჩვენ ქვეყანას. რუსეთის მოქალაქეებს საქართველოში ჩამოსასვლელად ვიზა არ სჭირდება. ახალი წლის წინ ოპტიმისტური სურვილები ყოველთვის არსებობს, მაგრამ პოლიტიკურ ურთიერთობას რაც შეეხება, ის სამწუხაროდ ჯერ ისევ ჩიხშია", - განაცხადა ზურაბ აბაშიძემ.