საქართველოს სახალხო დამცველმა ნინო ლომჯარიამ ძვირადღირებული ავტომობილი “მერსედეს GLA” ფინანსთა სამინისტროს მომსახურების სააგენტოს გადასცა, აღნიშნულის შესახებ ლომჯარიამ დღეს გამართულ ბრიფინგზე განაცხადა, ბრძანება ავტომობილის აუქციონის წესით გასხვისების შესახებ 21 დეკემბერს იქნა მის მიერ მიღებული:

“ჩემ მიერ 21 დეკემბერს მიღებული გადაწყვტილებით აღნიშნული ავტომანქანა გადაეცა ფინანსთა სამინისტროს მომსახურების სააგენტოს, რომელიც, აუქციონის წესით გაასხვისებს და შესაბამისად მიღებულ თანხას დააბრუნებს სახელმწიფო ბიუჯეტში. ამ გადაწყვეტილების მიღების საფუძველი გახდა ის, რომ ვერ ვხედავ აღნიშნული კლასის და მოდელის ავტომანქანის ყოლის საჭიროებას სახალხო დამცველის აპარატისთვის და გარდა ამისა, ყოველთვის იზრდება მისი შენახვის ხარჯები, რაც გაუმართლებლად აზარალებს ჩვენს ბიუჯეტს,”- განაცხადა მან.