„ცვლილებებით მთავრობა უფრო მოქნილი და ეფექტიანი იქნება“

„ცვლილებებით მთავრობა უფრო მოქნილი და ეფექტიანი იქნება“ - გიორგი კვირიკაშვილი

პოლიტიკა - 10:40, 27 Dec, 2017

1548

საქართველოს პრემიერ-მინისტრმა, გიორგი კვირიკაშვილმა მთავრობის სხდომაზე, რომელიც განახლებული შემადგნელობით დღეს პირველად იმართება, განაცხადა, რომ სამთავრობო ცვლილებების შედეგს მომავალში არაერთხელ დავინახავთ.
„მინდა, მოკლედ შევაჯამო გასული წელი. პირველის სხდომაა განახლებულ ფორმატში. მინდა რამდენიმე მნიშვნელოვან საკითხს შევეხო. გილოცავთ ახალ მანდატს და წარმატებებს გისურვებთ ჩვენი ქვეყნის და ჩვენი მოსახლეობის საკეთილდღეოდ. ამ ცვლილებების მიზანი იყო უფრო მოქნილი და ეფექტიანი მთავრობა. მე დარწმუნებული ვარ, რომ ამ ცვლილებების შედეგს ჩვენ მომავალში არაერთხელ დავინახავთ“, - აღნიშნა კვირიკაშვილმა.

ცნობისთვის: მთავრობის სტრუქტურული რეორგანიზაციის შედეგად, რამდენიმე სამინისტროს შერწყმა-გაერთიანება მოხდა. კერძოდ, განათლებისა და მეცნიერების სამინისტროს სპორტისა და ახალგაზრდობის სამინისტროს ახალგაზრდობის კომპონენტი შუერთდა და მინისტრად მიხეილ ჩხენკელი დაინიშნა, სპორტის ნაწილი კი კულტურის სამინისტროში გადავიდა.

ასევე, გაერთიანდა გარემოს დაცვის და სოფლის მეურნეობის სამინისტროები. ეკონომიკის და მდგრადი განვითარების სამინისტროს კი ენერგეტიკის სამინისტრო შეუერთდა. ეკონომიკის სამინისტროში შევიდა გარემოს დაცვისა და ბუნებრივი რესურსების სამინისტროს ბუნებრივი რესურსების კომპონენტი. დღევანდელი მონაცემებით, აღრ არსებობს გარემოს დაცვისა და ბუნებრივი რესურსების , სპორტისა და ახალგაზრდულ საქმეთა და ენერგეტიკის სამინისტროები. ასევე, გაუქმებულია ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი.