„ლეიბორისტული პარტიის“ ხელმძღვანელი ახმედ ჩატაევის საქართველოში შემოსვლას ქართულ-რუსული სპეცსამსახურების კოორდინირებულ მოქმედებად მიიჩნევს. შალვა ნათელაშვილს დამაჯერებლად არ მიაჩნია ვერსია, რომ ჩატაევი მხოლოდ რამდენიმე პანკისელი ახალგაზრდის დახმარებით შემოვიდა საქართველოში და აღნიშნავს, რომ ხელისუფლება დანაშაულის კვალის დაფარვას ცდილობს:

„ჩატაევი გახლდათ რუსეთის რეზიდენტი, ჩანერგილი „ისლამურ სახელმწიფოში“, მისი საქართველოში შემოყვანა მოხდა ქართული და რუსული სპეცსამსახურების კოორდინაციით. ახლა თუ ვინმეს უნდა რომ ეს უაღრესად სერიოზული ოპერაცია ნატო-საქართველოს საზღვრის გადმოლახვა დააბრალონ მარტო იმ პანკისელ ბიჭებს, ეს იმას ნიშნავს, რომ დანაშაულის კვალის დაფარვა ხდება.“- განაცხადა შალვა ნათელაშვილმა.