პანკისში ჩატარებულ სპეცოპერაციას უხუცესთა საბჭოს წევრი ხასო ხანგოშვილი გამოეხმაურა. მისი თქმით პანკისის ხეობა, სამართალდამცველების „განტევების ვაცია“. როგორც ხასო ხანგოშვილმა აღნიშნა, ხელისუფლებამ, 21 ნოემბერს, გაბრიელ სალოსის ქუჩაზე ჩატარებული სპეცოპერაცია ბოლომდე ვერ გამოიძია და პანკისში განვითარებული მოვლენები სწორედ ამის გაგრძელებაა.

„პანკისის ხეობა მე მაშინ რომ გითხარით, ხომ გახსოვთ? ეს არის განტევების ვაცი ამ ძალოვანი სტრუქტურების. რაიმე მოხდება, აუცილებლად აქ უნდა მოვარდნენ და აქედან უნდა ააქოთონ ყველაფერი. ეს ერთი. მეორეც, ხელოსანი დოქს ყურს მოუბავს საითაც უნდა,“ - განაცხადა ხასო ხანგოშვილმა.