"ბიუჯეტიდან მილიონობით ლარი იფლანგება"- კორუფციული სქემის დეტალებზე დავების საბჭოს წევრი კიდევ ერთხელ საუბრობს

პოლიტიკა - 10:51, 26 Dec, 2017

1911

სახელმწიფო შესყიდვების სააგენტოს დავების საბჭოს წევრი მამუკა ტუსკაძე დღეს გადადგომის შესახებ განცხადებას ოფიციალურად გააკეთებს. საბჭოს დატოვების მიზეზად ტუსკაძე პრობლემურ საკითხებთან მიმართებაში საბჭოსა და საგამოძიებო ორგანოების სრულ უმოქმედობას ასახელებს და იმ დარღვევებზე და კორუფციულ სქემებზე საუბრობს, რომელის მეშვეობითაც სახელმწიფო ბიუჯეტიდან მილიონობით ლარი იფლანგება.

გიორგი კვირიკაშვილისა და გია გაჩეჩილაძის სკანდალთან დაკავშირებით გაკეთებული განცხადების შემდეგ, ტუსკაძემ ასევე განაცხადა, რომ თავდაცვის უწყებაში კორუფციული გარიგების შედეგად ჯარისკაცების ნაწილი ფეხსაცმლის გარეშე დარჩა:

„მიუხედავად იმისა, რომ ძალიან ბევრი ცვლილებები შევიდა კანონში, მაინც არის ხარვეზები. ამ ხარვეზებით სარგებლობენ შემსყიდველი ორგანიზაციები და ის ადამიანები, ანუ ისინი, ვინც ბიუჯეტში ხელებს აფათურებს. გავლენიანი ფიგურები ამ ქვეყნის, ძლიერნი ამა ქვეყნისანი, რომელებიც ცდილობენ, რომ მათი გავლენები გამოიყენონ არა ხალხისა და ქვეყნის სასიკეთოდ, არამედ პირადი კეთილდღეობისთვის. ასეულობით ათასი ლარი და მილიონობით ლარი იფლანგება ბიუჯეტიდან,“ - განაცხადა მამუკა ტუსკაძემ.