,,ოცნების“ დეპუტატები გეგმავდნენ პროვოკაციას, რომ გვეჩხუბა და მერე პრემიერი გამოეჩინათ შემწყნარებლად“

,,ოცნების“ დეპუტატები გეგმავდნენ პროვოკაციას, რომ გვეჩხუბა და მერე პრემიერი გამოეჩინათ შემწყნარებლად“ - ნიკა მელია

პოლიტიკა - 00:42, 24 Dec, 2017

3267

პარლამენტის სხდომაზე, ქართული ოცნების მხრიდან მიზანმიმართულ პროვოკაციაზე საუბრობდა ნიკა მელია ,,განსხვავებული აქცენტების“ ეთერში. მისი თქმით, ოცნების დეპუტატები, რომან გოცირიძის გამოსვლის დროს, დარბაზში დადიოდნენ და მათ სიტყვიერ შეურაცხყოფას აყენებდნენ. ნიკა მელიას განცხადებით, პრემიერის სიტყვებიც დადგმული იყო, რომელსაც მისი პრესსამსახური შეგნებულად იღებდა.

,,ამ ადამიანებს წარმოდგენაც არ აქვთ რა არის პარლამენტი და სად არიან. ისინი მოემზადნენ საგულდაგულოდ. ეს ჰგავდა იმ საფეხბურთო სტადიონს, სადაც ყველაზე ემოციური გულშემატკივარია. ერთადერთი სკამები არ მოუგლეჯიათ და არ უსვრიათ. მელია შეიძლება ბევრს მოსწონს და ბევრს არა, მე ჩემი სტილი მაქვს პოლიტიკის, მაგრამ როცა რომან გოცირიძე გამოვიდა, უნდა გენახათ იქ რა ხდებოდა. ეს ხალხი იყო მზად პროვოკაციისთვის. რამდენიმე დეპუტატი ჰყავდათ გამოყოფილი, რომლებმაც რამდენჯერმე ჩაიარ აიარეს და სიტყვიეს შეურაცხყოფას გვაყენებდნენ, როცა რომან გოცირიძე ტრიბუნასთან სიტყვით გამოდიოდა. ეს იყო შეგნებული პროვოკაცია, რომ მომხდარიყო ფიზიკური დაპირისპირება. პრემიერის თავისი პრესსამსახური ტელეფონით უღებდა, რასაც ბატონი კვირიკაშვილი საუბრობდა, რომ თითქოს ის არის შემწყნარებელი, ესეც დადგმული იყო.

პრემიერის, რომელიც ხედავს რომ მილიარდერის ხელისუფლებაში ყოფნის პირობებში, ერთი ლარით არ გაუზრდია პენსია და 650 მილიონი ლარით გაზარდეს ბიუჯეტი პრემია დანამტბისთვის, 15 ათასი მეტი ჰყავს საჯარო მოხელეები და ესეც მათი ახლბელ ნათესავები არიან“ - განაცხადა ნიკა მელიამ.