,,პრემიერმა იცრუა! ,,დედაენა" არ ყოფილა სწავლებიდან ამოღებული" - დიმიტრი შაშკინი კვირიკაშვილს პასუხობს

პოლიტიკა - 18:17, 22 Dec, 2017

2654

საქართველოს პრემიერ-მინისტრი გიორგი კვირიკაშვილი პარლამენტში ფრაქცია "პატრიოტთა-ალიანსთან" შეხვედრისას განათლების საკითხს, კერძოდ კი იაკობ გოგებაშვილის "დედა ენას" გამოეხმაურა. კვირიკაშვილმა აღნიშნა, რომ სასწავლო პროცესიდან "დედა ენა" "ერთიანმა ნაციონალურმა მოძრაობამ" ამოიღო. აღნიშნულს, "ნიუპოსტთან" საქართველოს განათლებისა და მეცნიერების ყოფილი მინისტრი დიმიტრი შაშკინი ეხმაურება.

როგორც შაშკინმა აღნიშნა, კვირიკაშვილი ცრუობს, როდესაც მსგავს საკითხს წინა ხელისუფლებას აბრალებს. მისი თქმით, სამი წლის მანძილზე მოქმედმა ხელისუფლებამ სასკოლო სახელმძღვანელოების შეტანაც კი ვერ შეძლო:

„კვირიკაშვილი ცრუობს, როდესაც ამბობს, რომ წინა მთავრობამ სკოლებიდან ამოიღო იაკობ გოგებაშვილის "დედა ენა"- ამ მთავრობამ რა დაამატა სკოლაში? რაზეა ლაპარაკი როდესაც 3 წელია სკოლებში ახალი სახელმძვანელოები არ შეუტანიათ და ვადა გაუვიდათ წიგნებს. ასეთი იაფფასიანი სიცრუე, როგორ შეიძლება პრემირმა თქვას? რომ ჯეჯელავამ იაკობ გოგებაშვილი დააბრუნა სკოლებში და ჩვენ ამოვიღეთ დედაენა? ეს ბრალდება ჩვენც გვესმოდა. კარგად მახსოვს, ჩემი მინისტრობის პერიოდში დადიოდა უამრავი ადამიანი საპატრიარქოში და ამ სიცრუეს ავრცელებდა და საქმე იქამდე მივიდა, რომ საპატრიაქოს დელეგაცია მოვიდა განათლების სამინისტროში და მათ თავისი თვალით ნახეს, რომ ეს იყო სიცრუე. ყველა წიგნი, რაც იყო, მათ შორის იაკობ გოგებაშვილის დედაენა, არის შექმნილი, ხოლო დაკოპირება ძველი იაკობ გოგებაშვილის ეს არის შეუძლებელი. ნებისმიერ ქართული ენის სპეციალისტი გეტყვით, რომ შეუძლებელია ქვეყანა, რომელიც ვითარდება, გამოიყენოს სახელმძღვანელო, რომელიც 50 წლისაა. ვითარდება ქვეყანა და ბუნებრივია, ვითარდება ენაც. ამიტომ, სრული პასუხისმგებლობით მინდა გითხრათ, რომ სიცრუეა როდესაც აცხადებენ, რომ გოგებაშვლის დედაენა იყო ამოღებული. ქართული სახელმძვანელოები პირდაპირ შექმნილია დედაენის საფუძვლებზე და თუ გადაშლით, თქვენ ამას თავდაც ნახავთ...“ - განაცხადა დიმიტრი შაშკინმა.