„დეპუტატების 90%-ს გუშინ ფუნქცია გაუჩნდა... ტურებივით გამოძვრნენ ბუჩქებიდან"

„დეპუტატების 90%-ს გუშინ ფუნქცია გაუჩნდა... ტურებივით გამოძვრნენ ბუჩქებიდან" - გოცირიძე

პოლიტიკა - 12:53, 22 Dec, 2017

2020

„ნაციონალური მოძრაობის“ ერთ-ერთი ლიდერი რომან გოცირიძე, გუშინ პარლამენტში მომხდარ ინციდენტებს ეხმაურება და ამბობს, რომ „დეპუტატების 90%-ს გუშინ ფუნქცია გაუჩნდა".

„სადღაც სპორტსმენები არიან, სიაში ჩაწერილი ადამიანები, რომლებმაც დაინახეს, რომ რაღაცით შეიძლება წაადგეს ამ მთავრობას და მათი საქმიანობა გუშინ გამოიხატა იმაში, რომ უბრახუნებდნენ სკამებზე, უყვიროდნენ დეპუტატებს, არ გვაძლევდნენ ნორმალური საქმიანობის საშუალებას და რაც ყველაზე სამარცხვინოა, თავდასხმა მოახდინეს, როგორც ველურმა ცხოველებმა. ტურები რომ გამოძვრებიან ბუჩქებიდან, კინოებში გვინახავს და დაესევიან მსხვერპლს, ასეთი ტურების ეფექტი მოახდინეს,“ - განაცხადა რომან გოცირიძემ.

„ევროპული საქართველოს“ წევრი გიგი წერეთელი ამბობს, რომ ის, რაც ბოლო ორი დღის განმავლობაში ხდებოდა საკანონმდებლო ორგანოში, უსიამოვნო საყურებელია.

„ჩვენს მოსახლეობას ძალიან ბევრი ისეთი თემა აქვს, რომელიც ბევრ უსიამოვნო განცდას იწვევს და დამატებით პარლამენტში დაძაბულობის ყურება, ჩხუბი და აყალმაყალი, ეს რა თქმა უნდა, რა არის კარგი არც პარლამენტისთვის, არც პარლამენტარიზმისთვის და არც იმ საქმისთვის, რომლისთვისაც ჩვენ აგვირჩია ხალხმა,“ - აცხადებს გიგი წერეთელი.