საქართველოს პრემიერ-მინისტრობის კანდიდატი გიორგი კვირიკაშვილოი დეპუტატების კითხვებს რიგგარეშე სესიაზე პასუხობს. კვირიკაშვილის განცხადებით, გარკვეული მექანიზმებია შემოსაღები, რათა პენსიის წინასწარ აღების შემთხვევაში, პროცენტი არაადექვატურად მაღალი არ იყოს:

”რაც შეეხება პენსიონერების საკითხს, საპარლამენტო გუნდთან ერთად განვიხილეთ ის, რომ გარკვეული მექანიზმებია შემოსაღები, როცა პენსიონერი საკუთარი პენსიის უზრუნველყოფით იღებს სესხს, მას არ ჰქონდეს ძალიან მაღალი, არაადეკვატურად მაღალი საპროცენტო განაკვეთი. ალბათ გარკვეული რეგულაციები იქნება საჭირო და ჩვენ სიამოვნებით განვიხილავთ ამ ინიციატივებს. თუმცა რაც შეეხება იმას, რომ ერთ ბანკშია, ეს არის ტენდერი, რომელიც არის გამოცხადებული და თუ რაიმე პრობლემებია ამ მიმართულებით, მზად ვართ მათ შორის ფინანსთა და ეკონომიკის სამინისტროები ჩაერთონ და განიხილონ ეს საკითხები”, - განაცხადა გიორგი კვირიკაშვილმა.