“აი, ახლა გახდა კვირიკაშვილის გადადგომის თემა ნამდვილად აქტუალური. მანამდე ჩვეულებრივი ჭორები იყო. შეიძლება ითქვას, კაცმა საჯაროდ ჩაი**ა.
ნიკა მელია რა ტიპია და რამდენად სწორ თუ სულელურ რამეს ეუბნებოდა, თემას საერთოდ არ ეხება. "ღირსების დაცვაზე" ლაპარაკი ხომ სრული არაადექვატურობაა. ბარემ დუელი აღვადგინოთ.
უცებ წარმოვიდგინე, გაეროს ასამბლეაზე გამოდის ჩვენი პრემიერი და ვიღაცამ "პროვოკაციული" შეკითხვა დაუსვა. ვაიმეეეეე.
ისე კონკრეტულად პრემიერს ერთი გამოკვეთილი პოზიტივი ჰქონდა: კორექტული და გაწონასწორებულიაო, ამბობდნენ. თურმე როგორ უჭირდა კაცს!
სამაგიეროდ, ახლა კორკოტას მოეწონება ” - წერს ნოდია.
გუშინ ფრაქცია "ნაციონალური მოძრაობის" სხდომაზე პრემიერ-მინისტრობის კანდიდატმა გიორგი კვირიკაშვილმა "ნაციონალური მოძრაობის" ერთ-ერთ ლიდერს ნიკა მელიას სიტყვიერი შეურაცხყოფა მიაყენა.
მასალის გამოყენების პირობები






