საქართველოს უმაღლეს საპარლამენტო ორგანოში ამ წუთებში რიგგარეშე სესია მიმდინარეობს. პრემიერ-მინისტრობის კანდიდატი გიორგი კვირიკაშვილი სიტყვით გამოდის.

დღეს პარლამენტმა მთავრობას ნდობა უნდა გამოუცხადოს. როგორც ცნობილია, საპარლამენტო ოპოზიცია პრმიერ-მინისტრის გიორგი კვირიკაშვილის მხარდაჭერას არ აპირებს.

სესიას არ ესწრება „პატრიოტთა ალიანსი“, ისინი მმართველ გუნდს პროტესტს უცხადებენ.

გუშინ, დაძაბული სამუშაო დღის შემდეგ, რომლის ფარგლებშიც კომიტეტებზე მინისტრობისა და პრემიერ-მინისტრობის კანდიდატებს დეპუტატებმა მოუსმინეს და რომელიც, პრემიერისა და „ნაციონალური მოძრაობის“ პოლიტიკური საბჭოს თავმჯდომარის ნიკა მელიას დაპირისპირებით დასრულდა, მმართველ გუნდს დღესაც მოუწევს კრიტიკულ კითხვებზე პასუხის გაცემა.