საქართველოს პრემიერ-მინისტრობის კანდიდატმა გიორგი კვირიკაშვილმა საპარლამენტო უმცირესობის სხდომაზე განცხადება გააკეთა და სამთავრობო პროგრამა წარადგინა. კვირიკაშვილმა აღნიშნა, რომ მათ აქვთ განწყობა, გაითვალისწინონ გარკვეული რეკომენდაციები:

„ჩემთვის ძალიან მნიშვნელოვანია, რომ გაგაცნოთ ჩვენი სამომავლო გეგმები, ასევე გესაუბროთ ზოგიერთი უკვე დასრულებული საქმის შესახებ და ასევე მნიშვნელოვანია მოვისმინო თქვენი მხრიდან შეკითხვები, რეკომენდაციები. მოსული ვარ იმ განწყობით, რომ ძალიან კონსტრუქციულად განვიხილოთ როგორც თქვენი შენიშვნები, ასევე გვაქვს ის განწყობაც, რომ გავითვალისწინოთ ზოგიერთი რეკომენდაცია, რა თქმა უნდა, თუ ეს კონსტრუქციულ ჩარჩოში წარიმართება და მე ამის დიდი იმედი მაქვს“, - განაცხადა კვირიკაშვილმა.