თავისუფლებაზე 15 წლის მოზარდის დაჭრის საქმე - შინაგან საქმეთა მინისტრობის კანდიდატი გიორგი გახარია კომენტარს აკეთებს და იმედს გამოთქვამს, რომ დამნაშავე პირებს უახლოეს მომავალში დააკავებენ.

"ვიცით, რომ დღეს მოზარდის მდგომარეობა მძიმეა, თუმცა სტაბილური. იმედია, დღის ბოლომდე მისი მდგომარეობა იქნება დამაკმაყოფილებელი. მიმდინარეობს აქტიური საგამოძიებო პროცედურები და ვფიქრობ, რომ უახლოეს პერიოდში ამ დანაშაულში დამნაშავე პირებსაც დავაკავებთ", - განაცხადა გახარიამ.

შეგახსენებთ, რომ გუშინ თავისუფლების მოედნის მიმდებარე ტერიტორიაზე 15 წლის მოზარდი ცივი იარაღით დაჭრეს, მას 4 ჭრილობა აქვს მიყენებული, მათ შორის გულ-მკერდის არეში, მეათე კლასის მოსწავლემ დიდი რაოდენობით სისხლი დაკარგა და მას სასწრაფო ოპერაცია ჩაუტარდა, დაშავებულის ჯანმრთელობის მდგომარეობა ამ დრომდე სტაბილურად მძიმეა.