დაუშებს თუ არა დასავლეთი ,,ოცნების“ მესამე ვადით ხელისუფლებაში მოსვლას - ,,ქართული ოცნება უნდა ემზადებოდეს ამ სცენარისთვის“

პოლიტიკა - 00:10, 20 Dec, 2017

6244

,,არანაკლედ მნიშვნელოვანი იქნება დასავლეთის პოზიცია, ვიდრე ქართული საზოგადოების, მესამე ვადით იხილონ ერთი და იგივე ძალა, თან ის ძალა, რომელიც საზოგადოების დიდი ნაწილის მხრიდან, რეალურად არ იქნება მხარდაჭერილი“ - ამის შესახებ ხათუნა ლაგაზიძემ ,,არჩევანის“ ეთერში განაცხადა.

ექსპერტი ფიქრობს, რომ ქართული ოცნება მზად უნდა იყოს ამ სცენარისთვის, რის მაგალითადაც, ლაგაზიძეს 3%-იანი ბარიერის შემოღება და ფრაქციების დაშლის შემდეგ, პარტიების შესაძლო წარმოქმნა მოჰყავს, რომლის მიზანიც, მისი თქმით, ხელოვნური კოალიციის შექმნისა და ამ გზით ხელისუფლებაში მესამე ვადით მოსვლა იქნება.

,,საქართველო არის აშშ-ს მიერ მხარდაჭერილი, სადაც შესაძლებელი იყო 2 ვადის შემდეგ ხელისუფელბა შეცვლილიყო, 2020 წელი ამ მხრივ არის საინტერესო, მიუშვებს თუ არა თავისუფალ ცურვაში საქართველოს, რაც შეიძლება დემოკრატიაზე უარის თქმასაც ნიშნავდეს, თუ იქნება ძალიან პრინციპული დასავლეთი და იტყვის, რომ საქართველომ უნდა დაიცვას მისი დემოკრატიული ტრადიცია და 2 ვადის შემდეგ ხელისუფელბა უნდა შეიცვალოს, არა ძალიასმიერად რა თქმა უნდა.

წესით ქართული ოცნება უნდა ემზადებოდეს ამ სცენარისთვის, რომ თუკი ქართული ოცნება ეცდება მესამე ვადით მოსვლას, დასავლეთმა უარი თქვას ასეთი არჩევნების ლეგიტიმაციაზე. ასე შემთხვევაში 3%-იანი ბარიერი არის მათთვის ძალიან ხელსაყრელი -დაიშალოს მარტივ მამრავლებად ქართული ოცნება, ჯერ ფრაქციების, შემდეგ პოლიტიკური წარმონაქმნების სახით და ვისაც მარიფათი გამოაჩნდება, შეაღწიოს პარლამენტში. ასევე თუ ოპოზიციაში შემორჩება სახიერი ძალა, თუ ისურვებს რომ სახელისუფლო კოალიციაში მოაიზროს თავი, ასეთ ფორმით კოალიციურ და ფორმით მეოცნებე ხელისუფლება შეიძლება მივიღოთ 2020 წელს“ - აცხადებს ხათუნა ლაგაზიძე.