,,სამთავრობო ცვლილებები ბიზნეს ჯგუფებს შორის ბალანსის მცდელობაა“

,,სამთავრობო ცვლილებები ბიზნეს ჯგუფებს შორის ბალანსის მცდელობაა“ - ხათუნა ლაგაზიძე

პოლიტიკა - 23:50, 19 Dec, 2017

878

„სიახლე მდგომარეობს იმაში, რომ დღეს ჩვენ ვუყურებთ დაპირისპირებას არა პოლიტიკურ გუნდებს შორის იმიტომ, რომ "ქართულ ოცნებაში" ასეთი გუნდები არ არსებობენ, არ არსებობენ პოლიტიკური ლიდერები და შესაბამისად ვერ იქნებიან მათი გუნდები. ვხედავთ რეალურად დაპირისპირებას მსხვილ ბიზნეს ინტერესთა ჯგუფებს შორის,“-ასე გამოეხმაურა პოლიტოლოგი ხათუნა ლაგაზიძე მმართველ გუნდში მოსალოდნელ ცვლილებებს. მისი თქმით მსხვილი ფინანსური და ბიზნეს ჯგუფები შევარდნაძის და სააკაშვილის დროს არ ყოფილან, ახლა კი მათ საკუთარი წარმომადგენლები ჰყავთ პარლამენტში გავლენებისთვის.

ეს სამთავრობო ცვლილებები სწორედ რომ ბიზნეს ჯგუფებს შორის ბალანსის მცდელობაა. მათ შეიძლება გაუჩნდეთ და გარკვეული მოძრაობები ამაზე მიანიშნებს, ინტერესი პრეზიდენტის კანდიდატის მიმართ, რა თქმა უნდა სახელისუფლო ეგიდით.

თეორიულად ეს შესაძლებელია.

ის რომ დღეს სხვადასხვა გუნდები და ხაზგგასმით ვამბობ არაპოლიტიკური, რადგან ასეთიგუნდები იქ არ არსებობს, იბრძვიან თავისი კანდიდატის დასამტკიცებლად.

ამ ჯგუფების დამოუკიდებლობაზე საუბარი, ზედმეტია. რა თქმა უნდა, მათი ინტერესები ბალანსდება პოლიტიკურ და ბიზნეს სივრცეში და ამ ინტეერსები დაბალანსების გამოძახილი არის არა მხოლოდ სამთავრობო, არამედ ის პროცესები, რომელიც ახლა პარლამენტშია“ - განაცხადა ხათუნა ლაგაზიძემ.