"რომ ვკითხე ეს რა გააკეთე მეთქი, გავიხუმრეო" - რას ამბობს 17 წლის ბიჭის ბიძა სუიციდის მცდელობაზე

პოლიტიკა - 18:14, 19 Dec, 2017

7247

17 წლის მოზარდი, რომელმაც სანადირო თოფით თვითდაზიანებები მიიყენა, სავარაუდოდ ე.წ. ლურჯ ვეშაპს თამაშობდა. ამის შესახებ არასრულწლოვანის ახლობლები აცხადებენ.

როგორც ირკვევა, ბიჭი შინაგან საქმეთა სამინისტროს მეთვალყურეობის ქვეშ იყო.

გამოძიება კომპიუტერული მონაცემების ან კომპიუტერული სისტემის უკანონო გამოყენების მუხლით მიმდინარეობს.

ხელვაჩაურის პირველი სკოლის დირექტორი, მომხდარს ინტერნეტ თამაშს უკავშირებს და აცხადებს, რომ მან ზაფხულში მოზარდს ხელზე ნაკაწრები შენიშნა, რის შემდეგაც სამართალდამცველებს, განათლების სამინისტროს და მშობლებს მიმართა.

„ყველა ჩაერთო, გამოიძიეს, სოციალურ ქსელში შევიდნენ. ჰქონდა ტელეფონი. ფსიქოლოგებმა იმუშავეს. ფსიქოლოგებმა გვირჩიეს, რომ ტელეფონი ისევ ჰქონოდა. მე რომ ვკითხე ეს რა გააკეთე მეთქი, გავიხუმრეო,“-აცხადებს მოზარდის ბიძა გაბრიელ ცინცაძე.

ნათესავები ამბობენ, რომ ბოლო დროს მოზარდი სკოლაში აღარ დადიოდა.

"სკოლიდან წამოვიდა, ბაზარშიც მუშაობდა, თუმცა ბოლოს სახლში იყო"- ამბობს ბიძა.

გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს. გარდა ამისა კვლავ გრძელდება ზაფხულში დაწყებული გამოძიებაც.

„შსს აღნიშნულ არასრულწლოვანთან დაკავშირებით, მისივე სკოლის დირექტორი შეტყობინების საფუძველზე კიდევ ერთ გამოძიებას აწარმოებს. საქართველოს სისხლის სამართლის კოდექსის 285-ე მუხლით, რაც კომპიუტერული მონაცემის და კომპიუტერული სისტემის უნებართვო გამოყენებას გულისმობს,“-განაცხადა დეტექტივ-გამომძიებელმა ლევან დიდიძემ.