„უცნობის“ სიძის კომპანიის მიერ მოგებული ტენდერები კითხვის ნიშნებს აჩენს

„უცნობის“ სიძის კომპანიის მიერ მოგებული ტენდერები კითხვის ნიშნებს აჩენს - „საერთაშორისო გამჭვირვალობის“ კვლევა

პოლიტიკა - 11:57, 19 Dec, 2017

4865

ბოლო დღეებია, საზოგადოების ყურადღების ცენტრშია შპს „სიტროენ ჯორჯიას” წარმომადგენლების, ასევე, გიორგი გაჩეჩილაძის („უცნობის”), განცხადებები ავტოსატრანსპორტო საშუალებების სახელმწიფო ტენდერებში არსებულ დარღვევებზე. „უცნობის“ კრიტიკის ერთ-ერთი ადრესატი საქართველოს პრემიერ მინისტრია. კომპანიის წარმომადგენლებმა კონკურენციის სააგენტოშიც იჩივლეს.

„საერთაშორისო გამჭვირვალობა - საქართველოს” ინფორმაციით, შეისწავლა ამ სექტორში 2015 წლიდან 2017 წლის პირველი ნახევრის ჩათვლით ჩატარებული ტენდერები, ყველაზე მსხვილი მოთამაშეები და კონკურენციის დონე. ამ სექტორში კონკურენცია, საკმაოდ დაბალია და ბაზარზე რამდენიმე მსხვილი მოთამაშე იკვეთება, თუმცა მხოლოდ ამაზე დაყრდნობით საუბარი, რომ ბაზარზე კარტელურ გარიგებას აქვს ადგილი, რთულია, რადგან კომპანიებს, რომელთა მიმართ პრეტენზიებია გამოთქმული აღნიშნულ სექტორში მუშაობის საკმაოდ დიდი გამოცდილება გააჩნიათ და საქართველოში არსებული მცირე ბაზრის პირობებში მათი ტენდერში გამარჯვება ლოგიკური შეიძლება იყოს. მათივე ინფორმაციით, „სიტროენ ჯორჯიას” მიერ წარსულში მოგებული რამდენიმე ტენდერი გარკვეულ კითხვებს აჩენს.

კვლევას სრულად შეგიძლიათ გაეცნოთ აქ.