წინასაახალწო სკანდალი გორში: რუსული შოკოლადები და ამავე ენაზე გაფორმებული საახალწლო ქუდები ბავშვებისთვის

პოლიტიკა - 19:21, 18 Dec, 2017

15509

გორის კულტურის ცენტრი წინასაახალწლო სკანდალში ეხვევა. „ნიუპოსტის“ კორესპონდენტის ცნობით, საქმე არც მეტი არც ნაკლები ტკბილეულს ეხება, რომელიც სასაჩუქრე პაკეტების სახით, საახალწლო ღონისძიებებზე პატარებს გადაეცემა. ადგილობრივი მედიასაშუალებებით ვრცელდება ინფორმაცია, რომ კულტურის ცენტრის ადმინისტრაციამ, ბავშვებისთვის დასარიგებლად რუსული წარმოშობის შოკოლადი და ამავე ენაზე გაფორმებული საახალწლო ქუდები შეიძინა, რაშიც ბიუჯეტიდან თითქმის ხუთი ათასი ლარი გადაიხადა. მას შემდეგ რაც საკითხით ადგილობრივი მედია დაინტერესდა, მომღერალ გიორგი ნადიბაიძის დაქვემდებარებულმა ორგანიზაციამ ფაქტი უარყო. არა და შიდა ქართლის საინფორმაციო ცენტრმა ხელშეკრულებისა და მიღება-ჩაბარების აქტიც გამოქაყვეყნა, რითიც დასტურდება რომ კულტურის ცენტრის ადმინისტრაციამ, რუსული შოკოლადი და ამავე ენაზე გაფორმებული საახალწლო ქუდები შპს 21 საუკუნესგან 4 675 ლარად შეიძინა. ნაომარ ქალაქში საკითხს უკვე მოჰყვა პოლიტიკური შეფასებები. „ნიუპოსტი“ „ქართული ოცნების“ და „ნაციონალური მოძრაობის“ ადგილობრივი ორგანიზაციების წევრებს ესაუბრა.

„არსებობს უამრავი ქართული კომპანია, რომელიც გემრიე და ხარისხიან ტკბილეულს აწარმოებს. შეეძლოთ ეს შეესყიდათ და ქართული წარმოებისთის მიეცათ სტუმული. როგორც ჩანს, მათ რუსული ნოსტალგია აქვთ, საბჭოთა კავშირის.“-აცხადებს „ნაციონალური მოძრაობის“ წევრი კახა ლობჟანიძე.

ოპონენტის პოზიციას არ იზიარებენ „ქართულ ოცნებაში“.

„გინდა რუსული იყვეს, გინდა აზერბაიჯანული იყვეს, გინდა თურქული, ბიზნესია. ქართველმა ბიზნესმენმა შემოიტანა რუსული კანფეტი ყიდის. ქართული პროდუქცია რომ რუსეთში გადის გადავუღობოთ გზები და დროშები გავშალოთ? უკვე სისულელეებში არიან გადასული, ადრეც სისულელეში იყვნენ და სჯობს, ნორმალური პლიტიკა აწარმოონ.“-აცხადებს „ქართული ოცნების“ წევრი მიშა გოგინაშვილი.

აგორებული სკანდალის შემდეგ, ჩაანაცველებს თუ არა რუსულ შოკოლადებს ქართულით გიორგი ნადიბაიძე, ეს მას შედეგ გახდება ცნობილი, რაც პატარები სასაჩუქრე პაკეთებს გახსნიან. ნადიბაიძემ საკითხთან დაკავშირებით დღეს განმარტებების გაკეთება არ ისურვა, მის მსგავსად გავრცელებული ინფორმაცია, მისმა თანამშრომლებმა უარყვეს. ისინი ირწმუნებიან, რომ სასაჩუქრე პაკეტების შევსებაზე ჯერ გადაწყვეტილებაც კი არ მიუღიათ, აქვე განმარტავენ, რომ რუსული პროდუქცია ძვირადღუირებული რომ არ იყოს დაუფუქრებლად შეიძენდნენ. „მე ვინატრებდი, რომ ბიუჯეტი ისე გაგვწვდეს, სულ რუსული და მაღალი ხარისხის პროდუქცია შევთავაზოთ ჩვენს პატარებს.“-აცხადებს დირექტორის მოადგილე ნინო წიკლაური.