"ეს იქნება ძალიან მძიმე პროცესების დასაწყისი საქართველოში"- ოპოზიცია სააკაშვილის შესაძლო ექსტრადირებაზე

პოლიტიკა - 09:39, 18 Dec, 2017

2745

„ქართულ ოცნებაში“ მიხეილ სააკაშვილის საქართველოში ექსტრადირებას ელოდებიან.

“თუ ყოფილი პრეზიდენტობა ან ის, რომ შენ შეიძლება მომავალში დიდი პოლიტიკოსი გახდე, შენ გათავისუფლებს დანაშაულის შემთხვევაში სასჯელისგან, ეს იმას ნიშნავს, რომ ჩვენ ვერ შევქმნით სამართლებრივ სახელმწიფოს და თუ სააკაშვილი არის დამნაშავე, მე მიმაჩნია, რომ ის არის დამნაშავე, მან უნდა აგოს პასუხი საქართველოს კანონმდებლობით, ისე, როგორც ეს ხდება ნებისმიერი სხვა მოქალაქის მიმართ, ვინც ჩადის დანაშაულს და დღეს იმყოფება სასჯელაღსრულების დაწესებულებაში,“ - აცხადებს გედევან ფოფხაძე.

იმ შემთხვევაში თუ მესამე პრეზიდენტს უკრაინა საქართველოს ხელისუფლებას გადმოსცემს ისინი მოქმედებისთვის მზად არიან.

„თუ დაიწყება ექსტრადირების პროცესი, ეს პროცედურები არ იქნება სამართლებრივ ჩარჩოში მოქცეული. ეს იქნება პირდაპირ დარღვევა საერთაშორისო ნორმების და ასევე უკრაინის კანონმდებლობის. უნდა ვუთხრათ საქართველოს ხელისუფლებას, რომელიც რამდენიმე თვის მანძილზე ეხვეწებოდა უკრაინის ხელისუფლებას, არ ეხილათ მიხეილ სააკაშვილი საქართველოს ტერიტორიაზე, რომ ეს იქნება ძალიან მძიმე პროცესების დასაწყისი საქართველოში,“ - აცხადებს ხატია დეკანოიძე.

სააკაშვილის პოლიტიკურ დევნაზე საუბრობენ „ევროპული საქართველოშიც“.

„ქართულმა ოცნებამ" ვერ გამოიტანა დასკვნები ამ წლების განმავლობაში, რომ პოლიტიკური დევნა და პოლიტიკური პატიმრები აზიანებს ქვეყნის ინტერესებს და ასევე დემორალიზებას უკეთებს სახელმწიფო ინსტიტუტებს,“ - აცხადებს სერგო რატიანი.