,,ერთ თეთრსაც ვერ ვითხოვდი. მაგრამ ეხლა სხვა გზა არ დამრჩენია… სასწაულები არსებობსო...“ – 2 წლის ნიაკოს დედა შვილისთვის დახმარებას ითხოვს

სოც.მედია - 22:22, 16 Dec, 2017

9515

„ბევრისგან მსმენია სასწულები არსებობსო, მეც მინდა დავიჯერო. სასწაული მაშინ იქნება როცა ჩემი ნატვრა ახდება, ჩემს პატარას გამოუჩნდება ვინმე ღვთისნიერი და სასწრაფოდ შევძლებ ნიაკოს საოპერაციოდ წაყვანას თურქეთში, რომ მან შეძლოს დამოუკიდებლად სიარული… მაშინ დავრწმუნდები რომ სასწაული მართლა არსებობს“ — წერს სოციალურ ქსელში ირმა კოხრეიძე, 2 წლის ნიაკოს დედა და შვილისთვის დახმარებას ითხოვს.

ირმა კოხრეიძე: „ვიცი, რომ თითოეული ოჯახისთვის ამ გაჭირვების ჟამს, თითო ლარიც ძვირფასია. უბრალოდ, გამოუვალი მდგომარეობის გამო მიწევს თქვენი შეწუხება, რისთვისაც დიდ ბოდიშს გიხდით,რომ არა ეს დიდი ტკივილი და ჩემი 2 წლის შვილის ჯანმრთელობის მდგომარეობა, ერთ თეთრსაც ვერ ვითხოვდი. მაგრამ ეხლა სხვა გზა არ დამრჩენია, დრო გადის მე კი ვერაფერს ვაკეთებ…

ჩვენ თქვენი თანადგომა დღეს ძალიან გვჭირდება…

ნიაკოს ანორდ კესარის» სინდრომი სჭირს, ხერხემლის თიაქარი, ღია ჭრილობით. ორი მძიმე ოპერაცია, ხერხემალზე და თავზე უკვე გაუკეთდა. სრული გამოჯამრთელებისთვის კი სასწრაფოდ საჭიროებს მესამე ოპერაციას, რომელიც გარკვეულ თანხებთან არის დაკავშირებული და რომელიც ჩვენ არ გაგვაჩნია… ნიაკო ფეხს ვერ აიდგამს ამ ოპერაციის გარეშე…

ამიტომ მოგმართავთ თხოვნით გულთან მიიტანოთ ჩვენი მდგომარეობა და მცირედით შეგვეწიოთ.