,,წერილის ხელმომწერები მოუწოდებენ საქართველოს მთავრობას გაითვალისწინოს და პატივი სცეს ადამიანის უფლებათა სასამართლოს დიდი პალატის გადაწყვეტილებას ვანო მერაბიშვილის საქმეზე და იგი დაუყოვნებლივ გაათავისუფლოს პატიმრობიდან’’ - ევროპული საქართველოს წევრის გიორგი კანდელაკის განცხადება ვანო მერაბიშვილის საქმეზე ევრო პარლამენტის მიერ გამოქვეყნებულ წერილთან დაკავშირებით

,,ვანო მერაბიშვილის საქმეზე გამოხმაურებები უკვე იყო ესტონეთის პარლამენტართა და პოლიტიკოსთა ჯგუფის, ლიტვის და პოლონეთის საგარეო ურთიერთობათა კომიტეტის მხრიდან. იყო მოწოდებები, რომ საქართველოს მთავრობამ პატივი სცეს ევრო სასამართლოს გადაწყვეტილებას, მაგრამ ასეთი მაღალი რანგის გამოხმაურება, ასეთი მნიშვნელოვანი პოლიტიკური გავლენის მქონე ჯგუფის მხრიდან ჯერ არ ყოფილა. განსაკუთრებით ხაზგასასმელია, რომ წერილს ხელს აწერს ევრო პარლამენტის საგარეო ურთიერთობათა კომიტეტის თავმჯდომარე დევიდ მაკალისტერი და დიდი იმედი გავქვს, რომ განსხვავებით წინა შემთხვევებისა, ახლაც საქართველოს მთავრობა პატივისცემით მოეპყრობა მაღალი რანგის სიგნალს ბრიუსელიდან. წერილში ნათქვამია, რომ საქართველოს ინტერესშია ეს გვერდი ისტორიაში დაიხუროს და ყველამ ერთად ვიფიქროთ მომავალზე და არა წარსულზე. წერილი ასევე ეხება ორ სხვა საკითხს, მთავრობის საპარლამენტო კონტროლი და მოუწოდებს პრემიერ მინისტრს და მთავრობის წევრებს, რომ რეგულარულად იარონ პარლამენტში და თავი არ აარიდონ საპარლამენტო კონტროლს. წერილში საუბარია ასევე მედიაპლურალიზმის შენარჩუნების აუცილებლობაზე,’’ - განაცხადა გიორგი კანდელაკმა.