რუსთავის მერი აშშ-ის ჯორჯიის შტატის ეროვნული გვარდიის წარმომადგენლებს შეხვდა

პოლიტიკა - 16:28, 15 Dec, 2017

1372

რუსთავის მერი ირაკლი ტაბაღუა, მერის მოადგილე გოჩა ლორიასა და საკრებულოს საფინანსო-საბიუჯეტო კომიტეტის თავმჯდომარე გრიგოლ ვეფხვაძესთან ერთად აშშ-ის ჯორჯიის შტატის ეროვნული გვარდიის ოფიცერს ორმხრივი ურთიერთობის საკითხებში, მაიორ კვენტინ დოლს და ამერიკის საელჩოს ჰუმანიტარული დახმარების პროგრამის კოორდინატორს, დავით სანიშვილს შეხვდა. ირაკლი ტაბაღუამ ამერიკელ სტუმარს ქალაქის პოტენციალისა და იმ პროექტების შესახებ მიაწოდა დეტალური ინფორმაცია, რასაც ადგილობრივი თვითმმარველობა ახორციელებს.

კვენტინ დოლმა თავის მრივ, ქალაქის მერს ჯორჯიის შტატის ეროვნული გვარდიისა და საქართველოში ამერიკის ჯარების ევროპული სარდლობის მიერ განხორციელებული ერთობლივი პროექტები გააცნო. აღნიშნული ორგანიზაცია საქართველოში ჰუმანიტარული კუთხით სხვადასხვა აქტივობებს, ახორციელებს, რომელიც ძირითადად საგანმანათლებლო შენობების, მათ შორის - სკოლების, ბაღების შენობებების რეაბილიტაცია-რეკონსტრუქციას, უსახლკარო პირთა თავშესაფრების აღჭურვას, ასევე სოციალურ და ინფრასტრუქტურულ მიმართულებებს მოიცავს.

დღესვე სტუმრებმა „რუსთავის შეზღუდული შესაძლებლობების მქონე პირთა დღის ცენტრიც დაათვალიერეს, რომელშიც ინკლუზიურ განათლებას 150-მდე ბენეფიციარი იღებს. ვიზიტის დასასრულს, მხარეებმა ერთმანეთს გამოცდილება გაუზიარეს და სპეციფიკის გათვალისწინებით, სამომავლო ურთიერთთანამშრომლობის პერსპექტივებიც განიხილეს.