სკანდალი - სადაო ტენდერებში "უცნობის" სიძე გოგი თოფაძის შვილის კომპანიამ მოხსნა

პოლიტიკა - 12:19, 15 Dec, 2017

9032

კარტელური გარიგების კიდევ ერთი მთავარი ფიგურანტის ვინაობა გახდა ცნობილი. დავების საბჭოს წევრის მამუკა ტუსკაძის თქმით, კომპანია „სიტროენ ჯორჯია“ ტენდერიდან „ჰიუნდაი ავტომ" მოხსნა, რომლის მფლობელი ირაკლი თოფაძეა, რომელიც გოგი თოფაძის შვილია.

ტუსკაძე ამბობს, რომ სწორედ ამ კომპანიის სასარგებლოდ, ჯანდაცვის სამინისტროს ხელშეწყობით, ტენდერიდან სიტროენი უკანონოდ მოიხსნა.

„ტენდერი სინამდვილეში მოიგო "ჰიუნდაი ავტომ", „ჰიუნდაი ავტოს“ მფლობელი, შეგიძლიათ საჯარო რეესტრის მონაცემებზე დაყრდნობით ნახოთ, რომ არის ირაკლი თოფაძე. ირაკლი თოფაძე არის ის ცნობილი ირაკლი თოფაძე, გოგი თოფაძის შვილი. აქედან გამომდინარე, ხეჩიკაშილის კომპანიებიც მონაწილეობდნენ ამ ტენდერშიც, ეს არის „იბერ კომპანი“, რომელიც მეოთხე ადგილზე გავიდა და საერთოდ არც განუხილავთ მისი დოკუმენტაცია.

"ამ შემთხვევაში ჯანდაცვის სამინისტრო მართალია იმიტომ, რომ არც კი განუხილავს მაგ კომპანიის დოკუმენტები და შედეგად „ჰიუნდაი ავტო“, რომელიც არის ირაკლი თოფაძის, საერთოდ სხვა ფლანგზე არის ბრძოლა სინამდვილეში და ამ დროს პრემიერმინისტრი და მისი მეგობარი დაუპირისპირდნენ თოფაძემ რომ ტენდერი მოიგო იმის გამო ერთმანეთს. შემიძლია ვთქვა ღიად, რომ ჯანდაცვის სამინისტროს ჰქონდა ინტერესი,“ - აცხადებს მამუკა ტუსკაძე.