რუსეთის ფედერაციის პრეზიდენტმა ვლადიმირ პუტინმა ყოველწლიური პრესკონფერენცია გამართა, რომლის ფარგლებშიც პრეზიდენტობის კანდიდატმა ქსენია სობჩაკმა მას კითხვა დაუსვა. კითხვა ალექსეი ნავალნის წინააღმდეგ აღძრული სისხლის სამართლის საქმეების გამო არჩევნებზე მის დაუშვებლობას ეხებოდა. პუტინმა კი განაცხადა, რომ ნავალნი სააკაშვილის რუსული ვარიანტია:

„მე ოპოზიციის შესახებ შეკითხვას უკვე ვუპასუხე. ოპოზიციას პოზიტიური ქმედებების ნათელი და გასაგები პროგრამა უნდა ჰქონდეს. აი, თქვენი ლოზუნგი არის „ყველას წინააღმდეგ“. ეს პოზიტიური ლოზუნგია? რას გვთავაზობთ? რაც შეეხება თქვენს მიერ ნახსენებ პირს, ის სააკაშვილის რუსული ვარიანტია.

თუ ოპოზიციას პროგრამა არ აქვს და ის ხელისუფლებაში მოვა, რუსეთში „მაიდნები“ მოხდება, ქუჩებში კი „სააკაშვილები“ ირბენენ“, - აღნიშნა პუტინმა.