2012 წლის იანვრიდან 2017 წლის ნოემბრამდე საჯარო მოსამსახურეების მიერ სამინისტროებისა და თვითმმართველი ქალაქების წინააღმდეგ 382 სარჩელია შეტანილი. ამის შესახებ ცნობილი ახალგაზრდა იიურისტთა ასოციაციის კვლევიდან ხდება. კვლევის ”საჯარო მოსამსახურეთა მიერ სამსახურიდან გათავისუფლების თაობაზე წარმოებული სასამართლო დავები სამინისტროებისა და თვითმმართველი ქალაქის წინააღმდეგ” პრეზენტაცია საიამ დღეს გამართა.

როგორც საიას კვლევიდან ჩანს 382 სარჩელიდან 368 სარჩელი საკარო მოხელეებმა წარადგინეს, 319 სამინისტროს, ხოლო 49 თვითმმართველი ქალაქის წინააღმდეგ, 14 სარჩელი კი შრომითი ხელშეკრულებით დასაქმებულმა პირებმა, მათ შორის 2 იყო სამინისტროს წინააღმდეგ, 12 კი თვითმმართველი ქალაქის.

კვლევის პერიოდში 153 საქმეზე დასრულდა წარმოება და კანონიერ ძალაში შევიდა სასამართლოს გადაწყვეტილება, ხოლო 166 საქმის განხილვა კვლავ მიმდინარეობს სასამართლოს სხვადასხვა ინსტანციაში.

კანონიერ ძალაში შესული გადაწყვეტილებებიდან საიას ინფორმაციით სამინისტრომ სრულად და ნაწილობრივი დააკმაყოფილა 83 საარჩელი, არ დააკმაყოფილა 61, მორიგებით დასრულდა 4, წარმოება შეწყდა 40 შემთხვევაში, ხოლო მოსარაჩელის მიერ სარჩელის გამოხმობის გამო განუხილველი დარჩა 19 საქმე.

სასამართლოს გადაწყვეტილების საფუძველზე უკანონოდ გათავისუფლებული 25 საჯარო მოხელის სამსახურში აღდგენა დაველა 5 სამინისტროს, მათ შორის შსს-ს, თავდაცვის უწყებას, გარემოსა და ბინებრივი რესურსების დაცვის სამინისტროს და სასჯელაღსრულების სამინისტროს. 25 საჯარო მოხელის სამსახურში აღდგენა დაევალა თვითმმართველ ქალაქებსაც, მათ შორის 8 ქუთაისის მერიას, 6 თბილისის მერიას, თბილისის საკრებულოს 5, ფოთის მერიას - 5, რუსთავის მერიას - 1.

სასამართლოს გადაწყვეტილებით სამინისტროებმა და თვითმმართველმა ქალაქებმა სულ ჯამში განაცდურის სახით გადაიხადეს 652 269 ლარი, სამინისტროებმა 27 საჯარო მოხელეს აუნაზღაურეს განაცდური სულ 373 038 ლარის ოდენობით, თვითმმართველი ქალაქების მიერ საჯარო მოსამსახურეებისთვის გადახდილი განაცდურის ოდენობაა 279 231 ლარი.