ტენდერებთან დაკავშირებით საქართველოს პრემიერ-მინისტრსა და მის მეგობარს, მომღერალ გიორგი გაჩეჩილაძეს შორის არსებულ დაპირისპირებას „ერთიანი ნაციონალური მოძრაობის“ ლიდერი ნიკა მელია გამოეხმაურა. მელიას თქმით, აღნიშნული ფაქტი და მიზეზი, რის გამოც დაპირსპირება დაიწყო საქართველოს მოქალაქეების შეურაცხყოფაა და მას კვირიკაშვილის მაგივრად სცხვენია:

„შემრცხვა ბატონი კვირიკაშვილის მაგივრად . დამრჩა შთაბეჭდილება, რომ მას უბრალოდ აკლდა მზესუმზირა, ერთი კათხა ლუდი, კრიალოსანი და სადმე ქუჩის კუთხეში საქმე უნდა გაერჩია ძმაკაცთან – რატომ არ მისცა ტენდერში გამარჯვების უფლება, ან რატომ მისცა. ძალიან უხერხულია, რომ საჯაროდ ჩვენ ვიხილეთ ის, რაც ვიხილეთ. რაც ადასტურებს ნათლად შემდეგს, ამ ბატონ კვირიკაშვილს განცდაც კი არა აქვს , რომ იგი ნომინალურად მაინც ასრულებს პრემიერის მოვალეობას. ეს არის ყველაზე დიდი შეურაცხყოფა საქართველოს თითოეული მოქალაქისთვის.“ - განაცხადა ნიკა მელიამ.