საქართველოს პრეზიდენტმა გიორგი მარგველაშვილმა ებრაელ თემს ხანუქას დღესასწაული მიულოცა:

„მეგობრებო, გულითადად გილოცავთ ხანუქას - გამარჯვების, განწმენდისა და მარადიული განახლების დიდ დღესასწაულს.

ქართველთა და ებრაელთა ათასწლოვანი ურთიერთობა ხალხებსა და სახელმწიფოებს შორის მეგობრობის საუკეთესო მაგალითია. ეს ისტორიული მეგობრობა კიდევ უფრო ძლიერი და ღირსეული მომავლისკენაა მიმართული.

მთელი გულით ვიზიარებ თქვენ საზეიმო განწყობას და კეთილდღეობას, მშვიდობასა და ბედნიერებას გისურვებთ თქვენ და თქვენ ოჯახებს“, - ნათქვამია პრეზიდენტის განცხადებაში.