საქართველოს პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, თავდაცვის უწყებაში მიმდინარე რეფორმებთან დაკავშირებით პარლამენტში ლევან იზორიას მოუსმენენ. მოსმენა უახლოეს პერიოდში გაიმართება:

„მიმდინარე წლის დასაწყისში ძალიან მნიშვნელოვანი რეფორმა გატარდა, რომელიც შეირაღებულ ძალებში ოპტიმიზაციას შეეხებოდა. გარკვეულწილად დარღვეული იყო ბალანსი შესაბამისი წოდებისა და თანამდებობის მიხედვით. ბალანსის დასარეგულირებლად თამამი და ძალიან მნიშვნელოვანი რეფორმა გატარდა. უახლოეს ხანებში გვექნება შესაძლებლობა თავდაცვის მინისტრი თავდაცვისა და უშიშროების კომიტეტში მოვიწვიოთ და მოვისმინოთ, რა ვითარებაა შეიარაღებულ ძალებში და რა რეფორმების იგეგმება”, - განაცხადა სესიაშვილმა პარლამენტის პლენარულ სხდომაზე.

სესიაშვილმა ხაზი გაუსვა საქართველოს თავდაცვის სამინისტროს თანამშრომლობას პარტნიორ და ნატოს წევრ ქვეყნებთან:

”რამდენიმე ძალიან მნიშვნელოვანი ერთობლივი წვრთნა ჩატარდა საქართველოში, სადაც მონაწილეობდნენ პარტნიორი ქვეყნები მათ შორის აშშ-ს, დიდი ბრიტანეთის, გერმანიის და სხვა ქვეყნების წარმომადგენლები”, - აღნიშნა ირაკლი სესიაშვილმა.