"ივანიშვილს არმად ნაშოვნ მილიარდებს დავაკარგვინებთ"-შალვა ნათელაშვილი

პოლიტიკა - 15:49, 12 Dec, 2017

3299

რესპუბლიკელი კონგრესმენის სტივ რასელის ინიციატივას, რომელიც ნაკისრი ვალდებულებულებების დარღვევის შემთხვევაში საქართველოს მთავრობის წინააღმდეგ საერთაშორისო ანტიკორუფციული სანქციების შემოღებას ითვალისწინებს, შალვა ნათელაშვილი ეხმაურება. ლეიბორისტების ლიდერის თქმით ეს ინიციატივა ძალიან მნიშვნელოვანია, რადგან ბიძინა ივანიშვილი, საერთაშორისო სანქციებში მოექცევა და უკანონოდ მოპოვებულ მილიარდებს დაკარგავს.

„დიდი ხანია ვმუშაობთ ამერიკელ კოლეგებთან იმის თაობაზე, რომ პოლიტიკაში შემოპარული, შემომძვრალი ოლიგარქი თავისი ბანკირებით, რომლებმაც კაპიტალი იშოვეს კრიმინალური მეთოდებით და იგივეს აგრძელებენ ახლა ჩვენი ბიუჯეტის ხარჯზე, მოექცნენ საერთაშორისო სანქციების ფორმატში. ჩვენ უკანონოდ და არმად ნაშოვნ მთელ მილიარდებს ივანიშვილს დავაკარგვინებთ და მოვაქცევთ მათ ქართველი ხალხის განკარგულებაში,“ - განაცხადა შალვა ნათელაშვილმა.

სტივ რასელის ინიციატივის მიხედვით ყოველ 6 თვეში უნდა მომზადდეს ანგარიში იმის დასადგენად, დაარღვია თუ არა საქართველოს მთავრობამ აშშ-ის მოქალაქეებთან კონტრაქტით ნაკისრი ვალდებულებულებები და შეთანხმებები და ვინ იყვნენ ამაზე პასუხიმგებელი პირები. ამ პასუხისმგებელ პირებსა და საქართველოს მთავრობას კი, კონგრესმენის განცხადების მიხედვით, შესაძლოა აშშ-ის მხრიდან სანქციები შეეხოთ.