მას შემდეგ რაც კიევის, პეჩორის რაიონის სასამართლოს მოსამართლემ მიხეილ სააკაშვილი აღკვეთის ღონისძიების გარეშე დატოვა და გაათავისუფლა, საქართველოს მესამე პრეზიდენტმა და ამჟამად უკრაინის ოპოზიციის ერთ-ერთმა ლიდერმა კომენტარი „რუსთავი2“-თან გააკეთა.

„ერღვევათ სისტემა , მათტვის სასიცოცხლოდ მნშვნელოვანნი იყო, რომ მე სახლში ჩავეკეტე და გარეთ არ გამოვეშვი. შემეძლო სახურავიდანაც მომეწყო მიტინგები, მაგრამ ეს არაა მთავარი, ჩვენ უნდა ვიმოძრაოთ ქვეყანაში, ვიმუშაოთ. მოსამართლემ მიუხედავად დიდი ზეწოლისა, პირადად პრეზიდენტის მხრიდან, მიიღო საერთოდ საპირისპირო გადაწყვეტილება. დღეს მთელი უკრაინული პოლიტიკური სპექტრი იყო ჩემს გვერდით, უკრაინის მომავალი პრეზიდენტები, პრემიერ-მინისტრები, ყველა დაგვიდგა გვერდზე.“- განაცხადა საააკშვილმა.

სააკაშვილმა მომავლის გეგმებზეც ისაუბრა და აღნიშნა, რომ ხალხის მხარდაჭერამ მას აჩვენა, რომ უცილებელია მიზნის გარშემო უფრო მეტი ადამიანის კონსოლიდაცია:

„მე ვფიქრობ, რომ გუშინ ჩემ მხარდასაჭერად და პირველ რიგში თავისთავის მხარდასაჭერად იმდენი ათასი ადამიანი შეიკრიბა, რომ ეს კარგი შანსია, რომ ხალხის კონსოლიდაცია მოვახდინოთ და გავიმარჯვოთ. ჩვენ აუცილებლად უნდა გავიმარჯვოთ უკრაინაში, რომ გამარჯვებული დარჩეს საქართველოც.“

სააკაშვილის თქმით თუ პროკურატურა მასთან ბრძოლას გააგრძელებს და ახალ ბრალდებებს წაუყენებს ხალხის რეაქცია ისევ ისეთი იქნება:

„ყოველ ახალ მიმართვაზე, მილიონობით ხალხი გამოვა და ასე დაამთავრებენ.“- აღნიშნა სააკაშვილმა.

სააკაშვილმა კომენტარი საქართველოში მის შესაძლო ექსტრადირებაზეც გააკეთა და აღნიშნა, რომ მის წინააღმდეგ მოქმედება შესაძლოა ზოგიერთ პირს პირიქით შეუბრუნდეს:

„ყველაფერი შესაძლებელია, მაგრამ ბოლოს შეიძლება იმით დამთავრდეს, რომ ვინც ჩემს ექსტრადირებას აპირებს , იმას სტაცოს ხალხმა ხელი და გაუშვას რუსეთში ან მონღოლეთში, სცადონ აბა... თუ ხელი წაუცდათ, საქართველოში უფრო სწრაფად მოვაყომარებთ საქმეს ვიდრე აქ.“- განაცხადა სააკაშვილმა.