ხვალ, 2017 წლის 12 დეკემბერს საგარეო საქმეთა სამინისტროში საქართველოში აკრედიტებულ ახლადდანიშნულ არარეზიდენტ ელჩებს უმასპინძლებენ. საქართველოში ბოსნიის, დანიის, ბურუნდის, ავსტრალიის, ახალი ზელანდიის, პანამის, კუბის, გვატემალას და ჩილეს არარეზიდენტი ელჩები მინისტრის მოადგილეებს ვახტანგ მახარობლიშვილს, დავით დონდუას და გიორგი შარვაშიძეს რწმუნებათა სიგელების ასლებს გადასცემენ.

მინისტრის მოადგილეები შეხვედრებს გამართავენ 9 ქვეყნის არარეზიდენტ ელჩებთან და განიხილავენ ქვეყნებს შორის ორმხრივ და მრავალმხრივ ფორმატებში თანამშრომლობის საკითხებს და სხვადასხვა სფეროში ურთიერთობების გაღრმავების პერსპექტივებს.

საქართველოში აკრედიტებულ არარეზიდენტ ელჩებს საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე სამუშაო ფორმატში უმასპინძლებს.