მიხეილ სააკაშვილს თავდებში რადას დეპუტატები უდგებიან და მის გათავისუფლებას ითხოვენ

პოლიტიკა - 20:27, 11 Dec, 2017

4504

კიევში მიხეილ სააკაშვილის სასამართლო პროცესი განახლდა, პროცესზე სიტყვით ის დეპუტატები გამოვიდნენ, რომელიც მიხეილ სააკაშვილს თავდებში უდგებიან და მის გათავისუფლებას ითხოვენ.

„მისი მორალისა და ღირსების დონე სააკაშვილს ნებას არ მიცემს რომ მართლმსაჯულებას დაემალოს. ამიტომ მე მშვიდად ვუდგები თავდებში ბატონ სააკაშვილს“- განაცხადა ტიმოშენკომ და ამ განცხადების შემდეგ სასამართლოს შენობა დატოვა.

სახალხო დეპუტატი დმიტრი დობროდომოვის თქმით, ადამიანი, რომელმაც უკრაინაში შემოსაღწევად ამდები იწვალა, ამ ქვეყნიდან არ გაიქცევა. ამასთანავე სიტყვით გამოსვლისას დობროდომოვმა საქმეს პოლიტიკურად მოტივირებული უწოდა.

დეპუტატ ვიტალი კუპრის თქმით, თვით პროკურორიც კი აცხადებენ, რომ პროტესტი მშვიდობიანი იყო „მაშინ რაში ადანაშაულებთ საკაშვილს“- განაცხადა კუპრიმ.

დეპუტატ იური დერევიანკოს თქმით, უკრაინას ახლა მთელი მსოფლიო უყურებს:

„სააკაშვილი იყო საქართველოს პრეზიდენტი ორჯერ, პატივცემულო მოსამართლემ, თქვენ გიყურებთ მთელი მსოფლიო საზოგადოება და თევან ხართ მსოფლიო ამბების ეპიცენტრში“- განაცხადა მან.

დეპუტატების მსგავსად მიხეილ სააკაშვილის გათავისუფლებას ითხოვს დაცვის მხარეც, მათი თქმით დაუჯერებელია როგორ უნდა დაემალოს მართლმსაჯულებას ადამიანი, რომელიც ამ დღეებშიც კი ათასობით ადამიანის თვალწინ იყო, კიევის ცენტრში, უმაღლეს რადასთან.