მიხეილ სააკაშვილის აღმკვეთის ღონისძიებასთან დაკავშირებული სასამართლოს დარბაზიდან ქართული ტელეკომპანიის ოპერატორი გააძევეს. ამის შესახებ უკრაინული გამოცემა "Українські новини" იუწყება.

გამოცემა იტყობინება, რომ მცირე ზომის დარბაზში დაახლოებით 100 ჟურნალისტი და ოპერატორი იმყოფება, და ხშირად ხდებოდა ჭყლეტა და მცირე შელაპარაკებები. ყველაზე აქტიური ქართული არხის ოპერატორი იყო, რომელსაც მოსამართლემ ჯერ შენიშვნა მისცა, ხოლო შემდეგ დარბაზიდან გააძევა.

"აღსანიშნავია, რომ ოპერატორმა უკრაინული არ იცის და შესაძლოა მან პირველი მოთხოვნის დროს ვერაფერი გაიგო," - წერს სააგენტო.

ჯერჯერობით უცნობია, თუ ვინ არის დარბაზიდან გაყვანილი ოპერატორი.