„ევროპული საქართველოს“ ერთ-ერთი ლიდერის, თენგიზ გუნავას განცხადებით, საქართველოს მესამე პრეზიდენტს უკრაინის ხელისუფლება ისეთ ბრალდებებს უყენებს, რაც აბსურდია. გუნავას განცხადებით, სააკაშვილის წინააღმდეგ პოლიტიკური დევნა გრძელდება, რაც საქართველოში „ქართულმა ოცნებამ“ დაიწყო.

„ეს, ბუნებრივია, იმ პოლიტიკური დევნის გაგრძელებაა, რაც თავის დროზე საქართველოს ამჟამინდელმა ხელისუფლებამ დაიწყო სააკაშვილის წინააღმდეგ. ის იძულებული გახდა, ქვეყნიდან წასულიყო და ჩაერთო იმ დიდ მოძრაობაში, რასაც უკრაინის გათავისუფლების მოძრაობა ჰქვია. მან უშუალოდ კორუფციასთან მიმართებაში ძალიან მონდომებით წვლილი შეიტანა, თუმცა მოხდა ისე, რომ ოლიგარქიულმა რეჟიმმა სხვანაირად მიიღო ყველაფერი ეს. დღეს უკვე უკრაინის ხელისუფლება უყენებს ისეთ ბრალდებებს, რაც აბსურდია, მას უნდა შეეძლოს სრულფასოვნად ჩაერთოს პოლიტიკურ პროცესებში,“ - განაცხადა თენგიზ გუნავამ.