"დადგენილია რომ თეთრაძის გაუპატიურება არ ყოფილა, ეს თვითონაც დაადგინეს"- ბაჩო ახალაია სკანდალური საქმის დეტალებზე

პოლიტიკა - 21:33, 09 Dec, 2017

7124

თავდაცვის ყოფილი მინისტრი, სიგიჟეს უწოდებს სერგი თეთრაძის გაუპატიურების შესახებ მისთვის წაყენებულ უმძიმეს ბრალდებას. როგორც ბაჩო ახალაიამ "შაბათის კურიერს" განუცხადა, თეთრაძე რუსეთში დაკავებულ ქართველებზე უნდა გაცვლილიყო, ამიტომმ ის სასჯელაღსრულების დაწესებულებაში საუკეთესო პირობებში იმყოფებოდა.

ამასთან ახალაია, აცხადებს რომ სერგო თეთრაძის გარდაცვალების შესახებ მედიით გაიგო.

„დადგენილია, რომ გაუპატიურება არ ყოფილა, ეს საქმე ამდენი წელია, მიდის, ეს ადამიანი, რომელიც იყო დაკავებული, არა თუ ვინმეს შეძლო ზედმეტი წნეხის ქვეშ მოექცია, არამედ ეს პატიმარი სასათბურე პატიმრობაში უნდა ყოფილიყო, ის უნდა გაცვლილიყო იმ პატიმრებში, რომლებიც იმ დროს რუსეთის ციხეებში იყვნენ.

აბსოლუტური სიგიჟეა, სრული სიგიჟეა, პირიქით, ის უნდა ყოფილიყო საუკეთესო პირობებში და პრინციპში, ეს მოლაპარაკება, თითქმის, ბოლომდე იყო მისული... რომელი გიჟი გააკეთებს იმას, რომ კაცი, რომელიც აქ გყავს გასაცვლელად, რამე წნეხის ქვეშ მოაქციო, როცა იცი, რომ ზუსტად მისი საპირწონე იქით რუსეთის ციხეში ზის,“ - განაცხადა ახალაიამ.

ბაჩო ახალაიას თავადაც აქვს კითხვები სერგო თეთრაძის სიკვდილის გარემოებებთან დაკავშირებით.

„ადმიანი, რომელიც ასეთი დიდი მნიშვნელობის საქმეში იყო, რომელსაც არაფერი უნდა მოსვლოდა, მეუბნებიან, რომ გულით გარდაიცვალა, კითხები რჩება,“ - აღნიშნა ახალაიამ.